Djantera Kawi

Tumatan Wikipidia Banjar, kindai pangatahuan

Prof. Dr. H. Djantera Kawi (diranakakan di Kalua, Kabupatin Tabalong, 22 Juli 1941 – habis umur di Banjarmasin, 30 Siptimbir 2012 pas umur 71 tahun) ahli bahasa wan sastra Banjar, Kalimantan Selatan. Sidin suah jadi Dekan Fakultas Keguruan dan Ilmu Pendidikan (FKIP) Universitas Lambung Mangkurat, Banjarmasin. Sidin jua nang manukangi matan pamulaan Balai Bahasa Banjarmasin (di Banjarbaru). Buku nang sidin tulis bapuluh-puluh, gasan bubuhan mahasiswa balajar sastra Banjar. Lain pada di Lembaga Budaya Banjar (LBB) Kalimantan Selatan, sidin jadi puhun gawi jua di Dewan Kesenian Kalimantan Selatan (DKKS) wan Lembaga Adat dan Kesultanan Banjar Kalimantan Selatan (LAKBKS). Gasan mahargai sidin, Kasultanan Banjar mambari sidin galar Datu Cendekia Hikmadiraja. [1]

Sidin habis umur (71 tahun) di rumahnya, Jalan Sutoyo S., Kompleks Pondok Indah Numur 7, Taluk Dalam, Banjarmasin, 30 Saptimbir 2012.

Rujukan[babak | babak asal-mulanya]

  1. ^ In Memorium Prof Djantera Kawi Archived 2012-10-28 at the Wayback Machine. www.unlam.ac.id. Dibuka pada 1 Uktubir 2012

Tautan luar[babak | babak asal-mulanya]