Daku

Tumatan Wikipidia Banjar, kindai pangatahuan
Daku

Daku, dakuan, badaku marupakan salah sabuting janis parmainan nang kawa dimainakan ulih kakanakan lakian atawa binian.[1] ngaran mainan kampung tradisional, nang ada di mana haja di Indunisia. Nang dipakai gasan bigi daku biasanya sihi. Tagal, bigi tumbuh-tumbuhan kawa jua.

Dakuan kawa dimainakan di atas tanah mamakai cara maulah lubang-lubang halus di tanah sabanyak 12 buting.[1] Pamainan dakuan di tanah biasanya mamakai batu-batu halus gasan bijinya.[1] Jumlah pamainnya paling dikit 2 ikung urang.[1] Amun banyak pamainnya giliran kawa diulah sasuai lawan kasapakatan baimbai.[1] Jumlah biji dakuan kada ditantuakan.[1] Bijinya disasuaikan lawan kasapakatan buhan pamainnya.[1]

Di Malaysia, ngarannya congkak. Ngaran congkak dipakai jua di Sumatera nang adat budayanya Melayu. Di Jawa, ngarannya congkak jua, atawa dakon, dhakon wan dhakonan. Di Lampung, ngarannya dentuman lamban. Di Sulawesi, ngarannya mokaotan, maggaleceng, aggalacang wan nogarata. Dalam basa Inggris, ngarannya mancala.

Catatan Batis[babak | babak asal-mulanya]

  1. ^ a b c d e f g Hassan Sadhily. Ensiklopedi Indonesia. Jakarta: Ichtiar Baru-Van Hoeve. hlm. 738.