Kisah handap
Kisah handap atawa kisdap adalah suatu modél tulisan hayalan (fiksi) atawa tulisan nang kada nyata. Kisah handap kabiasaannya padat wan langsung ka tujuan lamun dibandingakan lawan tulisan hayalan nang lain nang tapanjang macam novéla wan novél. Marga inya handap ngini, kisdap-kisdap nang bahasil maandalakan cara-cara sastra nang kaya tokoh, plot, téma, basa, wan insight sacara nang labih ligarnya lamun dibandingakan wan fiksi nang tapanjang. Nang dikisahkan dalam kisah handap kawa macam-macam.
Kisah handap bamula matan anékdot, suatu situasi nang digambarakan handap, lakas sampai ka tujuan, nang sajalan wan tradisi pangisahan muntung (lisan). Marga cungulnya novél nang rialistis, kisah handap bakambang jadi miniatur, misalnya dalam kisah ulahan E.T.A. Hoffmann wan Anton Chekhov.
Sajarah
[babak | babak asal-mulanya]Kisah handap bamula matan taradisi bakisahan muntung nang maulah kisah-kisah nang harat kaya Iliad wan Odyssey karya Homer. Kisah-kisah ngintu ditampaiakan ka bantuk puisi nang bairama. Irama ngintu bapungsi gasan alat manulungi urang maingatakan kisah. Bagian-bagian nang handap ngini dirahakan pada sabuting titik di kisah-kisah narasi urang-urang nang kawa dipadahakan pada sabuah waktu nang handap. Sabarataan kisahnya hanyar talihat bila samunyaan bagian kisah ngintu sudah dipadahakan.
Kisah handap nang dimaksud ngini lain jua lawan dongeng atawa kikisahan hiwan. Kisah handap ngini baisian alur nang jalas kalihatan wan jua maangkat kanyataan hidup nusia nang diulah dikambuh wan imajinasi atawa hayalan.
Kisah handap dalam basa Banjar
[babak | babak asal-mulanya]Lamun di Kalimantan Salatan, istilah kisah handap maarah langsung ka kisah nang ditulis dalam basa Banjar, nang bantuk wan modélnya sama babanaran nang kaya kisah handap babasa Indunisia rajin jua. Sauting buku nang isinya kakumpulan kisah handap nang babasa Banjar ditulis babarapa panulis Kalimantan Selatan sabagai cuntuh judulnya Malam Kumpai Batu.