Bistik
Bistik marupakan sabuting makanan utama nang diulah matan daging sapi atawa ayam[1] nang rajin dibumbui badahulu sabalum dimasak. Bistik rajin nitu disurung lawan kacang polong, kantang, duwa wortel. Bistik tiba matan urang Walanda nang dikanalakan ka pribumi liwat acara jamuan makan nang rancak digawi wayah nitu. Imbah lalu, bistik ala Eropa disasuaiakan lawan rasa urang pribumi.[2]
Lamun di Jawa, Bistik rajin nitu disurung lawan mayunis, salada, kantang, buncis, wortel, intalu bajarang lawan juwa balinjan nang dihiris.[2] Lain lagi lamun di Banjar nang manambahi bunga lawang lawan diburubui daun sop wayah sudah masak.
Sajarah
[babak | babak asal-mulanya]Bistik panambayan diulah wan dipinandui urang banyak rahatan di kuta Surakarta, tagal Bistik pisin Jawa juwa banyak dikatujui wan diulah macacm-macam di rumah makan atawa lawan kaluarga di dairah lainnya. Ngaran bistik tiba matan kuyaan biefstuk (Walanda) wan beefsteak (Inggris).[2]
Bumbu
[babak | babak asal-mulanya]Bistik rajin dibumbui lawan rarampah nangkaya sahang, cangkih, kayu manis, duwa pala, ditambahiakan juwa kicap manis nang mamanisi khas masakan Jawa.[2]
Lamun sausnya, diulah matan galapung kanji, sahang, uyah, gula, intalu lawan bawang putih.
Jujuhutan
[babak | babak asal-mulanya]- ^ Nuranti (2024-05-12). "Resep Bistik Ayam Khas Banjar, Dijamin Enak dengan Bumbu Super Medok, Sajian Makan Siang Spesial untuk Keluarga - Jangkara Resep - Halaman 3". Jangkara Resep (dalam bahasa Indonesia). Diakses tanggal 2024-09-05.
- ^ a b c d Ma'as, Ayu (2022-04-20). "Asal-Usul Bistik Jawa, Sajian Eropa yang Diracik dengan Rempah Khas Jawa - Semua Halaman - Kids". kids.grid.id (dalam bahasa Indonesia). Diakses tanggal 2024-09-05.