Binahung
 |
Artikal ini masih dalam paubahan ganal sagan samantara waktu. Sagan mahindari kunflik pambabakan, dimuhun kada manggawi pambabakan salawas pasan ini ditampaiakan. Halaman ini terakhir disunting oleh Wadaihangit (Kontrib • Log) 393 hari 1147 menit lalu. |
Binahung atawa piahong (Anredera cordifolia) adalah ngaran tanaman tatamba nang tumbuh di dataran randah atawa dataran tinggi. Tanaman Binahung sabujurannya sudah lawas ada di Indonesia, tagal hanyar am wayahni haja dijadiakan urang tatamba alami gasan panyakit nang ringan duwa barat.
Binahung disambat juwa lawan Dheng San Chi (Cina) wan kikira asalnya matan Korea ujar buhan pakar. Binahung ngini dimakan lawan urang Vietnam rahatan batampur malawan Amerika Serikat pas tahun 1950 sampai 1970-an. Salaya ngitu, Binahung dimakan juwa lawan urang matan banua Taiwan, Tiongkok dan lainnya. Lamun dahulnya Binahung nang dimakan yaitu daun, batang duwa bungkahnya.[1]
Parawakan[babak | babak asal-mulanya]
Tumbuhan Binahong ngini adalah tanaman nang malayap bisa ka tanaman lain, tawing rumah, jarajak atawa titihangan. Umur Binahung ngini handap haja, lamun sudah sampai manalu bulan, Binahung cagaran babungkah nang baandakan di daunnya.[2]
Batang[babak | babak asal-mulanya]
Batangnya Binahung pina linak jadinya kada tapi kajung wan sutil malilit, tarasa halus amun dijapai tagal ditikin tarasa karas. Bakalir habang-habang tuha tagal amun batangnya sudah tuha baubah ka putih. Panjangnya bisa sampai 20-30 m nang diamitirnya kikira 3,5 cm.[2]
Daun[babak | babak asal-mulanya]
Daunnya babantuk nangkaya hati nang batangking di calukannya. Kalirnya ada nang hijau ada juwa nang habang targantung duwa pariannya.[2]
Bungkah[babak | babak asal-mulanya]
Bungkahnya Binahung ganalnya sama lawan hujung jariji kalingking. Bantukan bungkahnya pina kasar duwa ada babulu-bulu halus nang panjangnya kikira 1-3 cm.[2]
Lacuk[babak | babak asal-mulanya]
Lacuknya Binahung baandakan atawa bagantungan di batang ganalnya di halapat daunnya.[2]
Kagunaan[babak | babak asal-mulanya]
Binahung kawa maatasi panyakit bangkak di gulu, nang caranya adalah rancak manginum jus daun binahung. Salaya ngitu, Binahung biasanya juwa dipakai gasan panyakit luka, tipus, bibis, sakit usus, ngalih bahira, bangkak, darah baku, rimatik, asam urat, satruk duwa diabitis. Paling nyaman adalah nang mamakai daunnya nang diandak di kulimbit nang luka nang harapannya supaya lakas wagas.[3]
Banyu jarangan lacukan Binahung nang bantukannya bungkah juwa dipakai gasan tatamba hati bangkak, hal ngini marga Binahung baisi antiuksidan nang kawa manangkal radikal bibas. Daunnya Binahung juwa dipadahi kawa gasan panyakit paru-paru.[4] Urang nang tahu duwa manpaatnya, biasanya batanaman di tungkaran rumahnya. Cara nang paling baik gasan maambil tuahnya adalah manjarangnya atawa mamakan langsung daunnya.[5]
Daun Binahung juwa rancak dipakai urang gasan maubati jarawat, bibis, kulistirul, asam urat duwa imbah bauprasi.[6] Sapalih urang juwa mamakai daun binahung gasan manyuburakan rambut wan manjaga kasihatan rambutnya.[7] Daun Binahung nang diulah jadi bubuk gasan rarampahan dibawa mandi dipakai gasan mananambai panyakit gatalan di kulit.[8]
Jujuhutan[babak | babak asal-mulanya]
- ^ Setiawan, Sakina (2022-09-16). "Manfaat Binahong, Tanaman Obat Kaya Khasiat Kesehatan". KOMPAS.com (dalam bahasa Indonesia). Diakses tanggal 2023-03-13.
- ^ a b c d e Nurasmi, Kasriana (2020). "UJI AKTIVITAS DAUN BINAHONG (Anredera cordifolia (Ten.) steenis) TERHADAP CACING Ascaridia galli SECARA IN VITRO" (PDF). SKRIPSI PROGRAM STUDI KEDOKTERAN HEWAN FAKULTAS KEDOKTERAN UNIVERSITAS HASANUDDIN.
- ^ Anggraeni, Tiffani (2018). Trubus 578. Depok: PT Grafika Multiwarna. hlm. 38–39.
- ^ Awaluddin, Muhammad (2018). Trubus 579: Binahong Atasi Hati Bengkak. Depok: PT Grafika Multiwarna. hlm. 30–31.
- ^ ITB, Webmaster Team, Direktorat Sistem dan Teknologi Informasi. "Ragam Khasiat Tanaman Binahong menurut Guru Besar Farmasi ITB -". Institut Teknologi Bandung (dalam bahasa Inggris). Diakses tanggal 2023-03-21.
- ^ Putri, Galuh (2018-03-01). "Tanaman menjalar berwarna menarik (binahong merah)". penyuluhan.jogjaprov.go.id. Diakses tanggal 2023-03-21.
- ^ Kurniawan, Andre (2023-02-15). "Manfaat Daun Binahong untuk Rambut, Bantu Cegah Kerontokan dan Ketombe". merdeka.com (dalam bahasa Indonesia). Diakses tanggal 2023-03-21.
- ^ Siregar, Ika (2013). "MANDI CELUP DAUN BINAHONG SEBAGAI ALTERNATIF UNTUK MENGURANGI PENYAKIT KULIT KARENA INFEKSI BAKTERI". Seminar Nasional 2013 “Kesiapan SMK dalam Implementasi Kurikulum 2013. 8: 206–215.