Bica
Bica (matan basa Hokkien: 馬車 atawa 马车, bé-chhia, "karita kuda") yaitu sabuting moda transportasi baindan talu nang umum ditamui di Indunisia wan jua di sapalih wilayah Asia. Kapasitas normal bica yaitu gasan dua panumpang wan sabuting pangayuh. Manjadi pangayuh bica jadi salah satu cara gasan bakulih napkah nang mudah, sampai-sampai jumlah pangayuh bica di banua nang angka panganggurannya tinggi kawa manjadi tinggi banar, wan pacangan manimbulakan babagai kamacitan lalu lintas. Maraga itu bica mulai dilarang di babagai banua, misalnya Jakarta wayah pauncitan 1980an.