Banyu tajun Madakaripura

Banyu tajun Madakaripura adalah sabuting banyu tajun nang baandak di Kacamatan Lumbang, Kabupatin Probolinggo, Pruvinsi Jawa Timur. Banyu tajun ngini adalah salah sauting banyu tajun di kawasan Taman Nasiunal Bromo Tengger Semeru. Banyu tajun sahingkat 200 mitir ngini marupaakan banyu tajun tatinggi di Pulau Jawa wan tatinggi kadua di Indunisia. Banyu tajun Madakaripura batawas caruk nang dikulilingi bubukitan nang manitikakan banyu wayah sabarataan bidang tabingnya nang kaya layaknya wayah hujan, 3 di antaranya bahkan malancar labat maulah banyu tajun pulang.

Mailangi banyu tajun Madakaripura adalah sabuting hal nang musti digawi ulih bubuhan panjalajah nang tulak ka Jawa Timur. Madakaripura kawa dihinggat matan Malang atawa Probolinggo. Matan Probolinggo Pian kawa naik bus ganal ka ampah Tongas. Pian kawa mamadahi tujuan Pian lawan kundiktur bahua Pian handak mailangi banyu tajun ngitu wan Pian pacangan disatupakan di patigaan Tongas. Imbah turun, Pian musti malanjutakan paraunan lawan angkut nang sabalumnya musti Pian tawar.

Paraunan matan Tongas ka Madakaripura hibak lawan pamandangan nang harat wan jalan kada talalu nyaman. Tagal sabarataan ngitu cagar tabayar wayah panjalajah imbah sampai di lawang garbang Madakaripura. Kadada tikit masuk tagal Pian pacangan ditawari mamakai jasa pamandu lukal nang kawa jua mambawaakan tas ampun Pian amun diparluakan. Paraunan matan sini ka banyu tajun indah banar wan maungahakan mata lawan pamandangan puhun-puhun ganal, udara nang sigar wan jua malalui sungai-sungai. Sapatu nang nahap, tahan banyu atawa sandal gunung disaranakan banar gasan paraunan ngini. Paraunan manampuh kikira 1 jam wayah imbah Pian marasaakan dinginnya higa wan jua banyu nang bahindik-hindik ka awak Pian. Tumatan ngitu, baju tilasan, jas hujan, atawa payung disaranakan banar. Pian harus bajalan tajauh sadikit gasan kawa manikmati banyu tajun tatambainya. Pian masih musti manaiki tabing nang talincar wan sasak. Tagal sabuting pulang ngitu cagar tabayar amun Pian maningau banyu tajun tatambaian nang balulungkang malingkar, jadi talihat nang kaya Pian baada di dalam butul.

Laginda nang ditamui matan Banyu tajun Madakaripura, Pian disaranakan gasan maninggalakan tampat ngini sabalum pukul 14.00. Pacangan rancak tajadi hujan wayah jam-jam ngini nang kawa mampangaruhi tingkat banyu di higa banyu tajun nang mayu babahaya wan mamungkinakan Pian ngalih maninggalakan tampat.

Imbah manikmati Madakaripura, Pian kawa babulik ka Tongas wan lalu ka Probolinggo. Atawa Pian kawa malanjutakan paraunan ka Gunung Bromo.

Banyu tajun ngini dibari ngaran matan Madakaripura, tanah perdikan ampun mahapatih Gajah Mada matan karajaan Majapahit.

Tautan luar

• (Bahasa Indonesia) Wisata Probolinggo