Balimbing tunjuk

?Balimbing tunjuk
	;
Klasifikasi ilmiah
Karajaan:	Plantae;
Divisi:	Magnoliophyta;
Kelas:	Magnoliopsida;
Ordo:	Oxalidales;
Famili:	Oxalidaceae;
Genus:	Averrhoa;
Spesies:	A. bilimbi;
Ngaran binomial
	Averrhoa bilimbi; L.

Balimbing tunjuk, ngaran puhun nang kikira asalnya matan pulau-pulau di Maluku, banyak ditanam di Indunisia, Filipina, Sri Lanka, wan Myanmar. Balimbing tunjuk biasanya ditanam, gasan diambil buah-nya. Rasa buahnya masam, rancak dipakai gasan bumbu masakan^[1] wan campuran jamu.^[2]

Garambas

Balimbing iya rapun bubuahan nang tingginya sampai haja 5 m. Batangnya kada tapi ganal, bagaris tangah 30 cm. Inya kasar lawan batukal-tukal, cikangnya kada tapi banyak lawan tagak ka atas. Cikang nang anumnya barambut halus, nangkaya beledu lawan balangnya habuk anum.^[3]

Daunnya tasusun badua-dua. Tagasnya halus, nangkaya intalu, lawan banyaknya palingan 21–45 cm. Daunnya tamasuk bubuhan majemuk, manyirip, lawan ganjil. Anak daunnya batangking handap, nangkaya bulat intalu sampai lonjong, hujungnya landap, pangkalnya mambulat, higanya rata. Daunnya baukuran 2-10 × 1–3 cm. Balangnya hijau, lawan parmukaan bawahnya hijau anum. Saban lambaran daun ada 11-37 anak daun nang basulang sali atawa satangah bapasangan lawan tagasnya oval.^[4]

Kambangnya majemuk, lawan tasusun dalam malai (panjangnya 5–20 cm). Bagarumbung, kaluar matan cikang nang ganal, halus-halus tagas bintang lawan balangnya bigi ramania handak mahabang/habang haja. Buahnya tamasuk buah buni, tagas bulat lonjong mambuncu, panjangnya 4-6,5 cm, balangnya hijau manguning, babanyu banyak amun sudah masak lawan rasanya asam. Pahadangan nitu, tagas bigi mambulat hintalu, gepeng.^[3]

Batanaman

Amun handak batanaman balimbing tunjuk nang bujur kawa mamakai cara basatek batangnya, nang caranya iyalah:^[5]

Pilih rapun balimbing tunjuk matan rapun nang buahnya barundun banyak
Tatak sabuting batangnya nang kada tapi anum lawan juwa kada tapi tuha
Randam batang balimbing tunjuk nang ditatak ka dalam banyu ubat sakira lakas tumbuh akar salawas 1 malam.
Siapkan media tanam nangkaya pot ganal, isi lawan kambuhan tanah gembur lawan pupuk kandang.
Tancapkan potongan batang balimbing tunjuk langsung ka pot
Jangan kada ingat disimbur, lawan juwa usahakan batanam pamulaan musim hujan sakira tahumap gasan batang tadi kada lakas karing

Ngaran

Palembang: Belembeng Wuluh/Besi
Bugis Soppeng: Caleneng
Aceh: Limèng eungkot, boh limèng
Gayo: selemeng
Batak: asom, belimbing, balimbingan
Nias: malimbi
Minangkabau: Asam Tunjuak
Malayu: belimbing asam
Melayu Sambas: Gerinang
Lampung: balimbing
Sunda: calincing, balingbing

Jawa: blimbing wuluh
Madura: bhâlimbhing bulu
Bali: belimbing wuluh
Bima: limbi
Flores: balimbeng
Sawu: libi
Sangir: belerang
Makassar: Bainang
hakka: Jong Tho Son

Kagunaan

Daun balimbing tunjuk nang baisi senyawa tannin, saponin lawan flavonoid kawa dipakai gasan wisa alami pada hulat grayak.^[6] Selain nitu, buah balimbing tunjuk juwa kawa dipakai gasan maulah sabun babasuh piring.^[7]

Urang Aceh rancak mamakai Balimbing tunjuk gasan baulah Asam sunti, nang dipakai gasan mambumbui masakan buhannya nangkaya Asam keueueng, karih, wan jua gasan dikambuh ka sambal nangkaya Sambal ganja.^[1]

Galeri

Rapun^{[permanent dead link]} balimbing tunjuk
Kambang^{[permanent dead link]} balimbing tunjuk
Rapun^{[permanent dead link]} balimbing tunjuk hibak buah
Kambang^{[permanent dead link]} balimbing tunjuk

Jujuhutan

1 2 Gardjito, Murdiati; Santoso, Umar; Utami, Nurullia (2018). Ragam Kuliner Aceh: Nikmat yang Sulit Dianggap Remeh. Yogyakarta: Gadjah Mada University Press. ISBN 978-602-386-284-9.
↑ Safitri, Wahyu; Yuniarifa, Conita; Utami, Kamilia (2023). "Pengaruh Kombinasi Ekstrak Belimbing Wuluh dan Ekstrak Kunyit terhadap Kadar Gula Darah Puasa (Studi Eksperimental pada Tikus Jantan Galur Wistar yang diinduksi Streptozotocin)". JURNAL ILMIAH SULTAN AGUNG. 2: 136–145.
1 2 Dalimartha 2008, hlm. 6-10.
↑ Sitorus, Tumiar (2017-12). "Uji Bioaktivitas Antimikroba Ekstrak Kasar Daun dan Buah Belimbing Wuluh (Averrhoa Bilimbi Linn) Terhadap Bakteri Escherichia coli" (dalam bahasa Indonesia). Diarsipkan dari versi asli tanggal 2020-07-06. Diakses tanggal 2020-07-06.
↑ Cara menanam Belimbing Wuluh Archived 2017-07-16 at the Wayback Machine diakses 3 Februari 2016
↑ Herlina, Nofripa; Pratikasari, Tria; Gesriantuti, Novia (2023-05-30). "Uji Toksisitas Ekstrak Daun Belimbing Wuluh (Averrhoa bilimbi L.) terhadap Ulat Grayak (Spodoptera frugiperda)". Photon: Jurnal Sain dan Kesehatan (dalam bahasa Indonesia). 13 (2): 1–8. doi:10.37859/jp.v13i2.4710. ISSN 2579-5953.
↑ Darajat, Zakiyah; Ranggina, Dian; Pampang, Harun; Lamuru, Afriyanti S.; Yunus, Muhammad Arham; Ole, Maria Assumpta Nogo; Nurfiansyah, Nurfiansyah (2022-09-30). "Pemanfaatan Ekstrak Belimbing Wuluh (Avverhoa bilimbi L.) Menjadi Sabun Cuci Piring". COVIT (Community Service of Tambusai) (dalam bahasa Inggris). 2 (2): 420–425. doi:10.31004/covit.v2i2.18389. ISSN 2807-1409.

Artikal batupik buah-buahan ngini sabuting rintisan. Pian kawa mangganii Wikipidia lawan cara mangambangakannya.

[:02-1] 1 2 Gardjito, Murdiati; Santoso, Umar; Utami, Nurullia (2018). Ragam Kuliner Aceh: Nikmat yang Sulit Dianggap Remeh. Yogyakarta: Gadjah Mada University Press. ISBN 978-602-386-284-9.

[2] Safitri, Wahyu; Yuniarifa, Conita; Utami, Kamilia (2023). "Pengaruh Kombinasi Ekstrak Belimbing Wuluh dan Ekstrak Kunyit terhadap Kadar Gula Darah Puasa (Studi Eksperimental pada Tikus Jantan Galur Wistar yang diinduksi Streptozotocin)". JURNAL ILMIAH SULTAN AGUNG. 2: 136–145.

[FOOTNOTEDalimartha20086-10-3] 1 2 Dalimartha 2008, hlm. 6-10.

[4] Sitorus, Tumiar (2017-12). "Uji Bioaktivitas Antimikroba Ekstrak Kasar Daun dan Buah Belimbing Wuluh (Averrhoa Bilimbi Linn) Terhadap Bakteri Escherichia coli" (dalam bahasa Indonesia). Diarsipkan dari versi asli tanggal 2020-07-06. Diakses tanggal 2020-07-06.

[b-5] Cara menanam Belimbing Wuluh Archived 2017-07-16 at the Wayback Machine diakses 3 Februari 2016

[6] Herlina, Nofripa; Pratikasari, Tria; Gesriantuti, Novia (2023-05-30). "Uji Toksisitas Ekstrak Daun Belimbing Wuluh (Averrhoa bilimbi L.) terhadap Ulat Grayak (Spodoptera frugiperda)". Photon: Jurnal Sain dan Kesehatan (dalam bahasa Indonesia). 13 (2): 1–8. doi:10.37859/jp.v13i2.4710. ISSN 2579-5953.

[7] Darajat, Zakiyah; Ranggina, Dian; Pampang, Harun; Lamuru, Afriyanti S.; Yunus, Muhammad Arham; Ole, Maria Assumpta Nogo; Nurfiansyah, Nurfiansyah (2022-09-30). "Pemanfaatan Ekstrak Belimbing Wuluh (Avverhoa bilimbi L.) Menjadi Sabun Cuci Piring". COVIT (Community Service of Tambusai) (dalam bahasa Inggris). 2 (2): 420–425. doi:10.31004/covit.v2i2.18389. ISSN 2807-1409.

[1]

[2]

[3]

[4]

[5]

[6]

[7]