Asam cuka
| ?Asam cuka | ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|
 Buah Asam cuka
| ||||||||||||||||||
| Klasifikasi ilmiah | ||||||||||||||||||
| ||||||||||||||||||
| Ngaran binomial | ||||||||||||||||||
| Garcinia atroviridis Griffith et Anders. |
Asam cuka (Garcinia atroviridis Griffith et Anders.) adalah pohon panghasil asam baputing atawa asam kaping. Asam baputing dikawa matan hirisan buah asam cuka nang dikaringakan lawan cara dijamur di bawah matahari. Asam baputing ngini rancak dipakai gasan bumbu masak, bahan parasa minuman, bahan dasar tatamba, wan bahan dasar kusmitika. Sapalih masarakat Melayu pasisir maulah buah Asam cuka ngini jadi alua atawa halwa gasan wawadaian rahatan ari raya.
Tumbuhan Asam cuka ngini magun bakula lawan manggis wan asam kandis, diparcayai tiba tumatan Asia Selatan wan Asia Tenggara. Asam cuka disambat juwa tumbuhan abadi, marga kawa tahan hidup sampai manyaratus tahun, wan babuah sasain banyak. Sabuting rapun Asam cuka nang hudah baumur labih pada talung puluh tahun kawa manghasilakan buah sampai maampat ratus kilugram saban tahun.
Lamun manurut ukuran wan sipat buahnya, Asam cuka dibagi jadi dua parian: asam batu wan asam banyu. Asam batu buahnya halus (diameter 7–10 cm), basipat barat nangkaya batu, lawan juwa tikstur buahnya padat, liat, wan babaya karing. Satu kilugram asam baputing matan ampat kilugram asam batu. Tagal asam banyu buahnya ganal (diameter 10–14 cm), kada barat, lawan juwa tikstur buahnya taranyah, kinyul wan babanyu. Satu kilogram asam baputing tiba matan lima kilugram asam banyu.