Aruh Pantun

Tumatan Wikipidia basa Banjar, insiklupidia bibas
Loncat ke navigasi Loncat ke pencarian

Aruh Pantun adalah sabuah ritus adat urang Banjar nang baastilah digawi gasan malakukan parusis mahanyari pulung daripada pantun nitu. Ujar habar, Pulung Pantun harus pang dihanyari saban tahun, amun kada digawi, maka kaina tuah magisnya bisa hilang kada babakas lagi.

Aruh Pantun dilaksanakan di wayah malam-malam kadap tanggal 21, 23, 25, 27, wan 29 di bulan Rabi'ul Awal atawa Dzulhijah. Datu Pantun disaru bahadir lawan cara mambanam dupa wan mambari’i sidin piduduk nang ba’isi nasi lakatan, gula habang, 3 bigi hintalu hayam kampung, kada tatinggal minyak likat baboreh sasacukupnya haja. Lamun Datu Pantun hakun mamanuhi saruan, maka Pamantunan nang ampun diri kawa kasarungan (trance) sasatumat. Kabalikannya, lamun Pamantunan kada jua sampay kasarungan nangitu baarti mandatnya sabagai sa’urang Pamantunan sudah dicabut ulih Datu Pantun. Indada pilihan bagi di’inya kacuali ba’undur diri tumatan panggung Baturai Pantun (pensiun).

Dijuhut[babak | babak asal mulanya]

  • Tajuddin Noor Ganie, 2006. Jatidiri Puisi Rakyat Etnis Banjar Berbentuk Peribahasa Berbentuk Puisi dalam Jatidiri Diri Puisi Rakyat Etnis Banjar di Kalsel, Penerbit Rumah Pustaka Folklor Banjar, Banjarmasin, 70119