Anime
| Palihan matan seri pasal |
| Anime wan manga |
|---|
 |
 Portal Anime dan manga |
Anime (Japang: アニメ, Citakan:IPA-ja)[lower-alpha 1] adalah animasi matan Japang nang digambar lawan tangan atawa jua mamakai tiknulugi kumputar. Kata anime marupakan singkatan matan "animation" dalam basa Inggris, nang marujuk lawan sabarataan janis animasi.[1] Di luar Japang, istilah ngini dipakai sacara husus gasan manyambatakan sagala animasi nang diulah di Japang.[2][3] Saupama damintu, kada manutup kamungkinan lamun anime kawa diulah di luar Japang.[4][5][6] Babarapa ahli bapandapat lamun anime marupakan bantuk hanyar matan urientalisma.[7]
Anime panambaian nang mancapai kasuhuran nang luas adalah Astro Boy karya Ozamu Tezuka wayah tahun 1963. Damini anime sudah liwar bakambang lamun dibandingakan lawan anime bahari. Lawan grapik nang sudah bakambang sampai jalan kisah nang labih manarik wan rami.[rujukan?] Masarakat Japang liwar basumangat manjanaki anime wan mawaca manga. Matan kakanakan sampai urang tuha. Bubuhannya maanggap anime ngitu palihan matan kahidupan bubuhannya. Hal ngini nang maulah babarapa tilipisi kabel jadi tasuhur lawan babarapa pilim kimusnya, kaya Cartoon Network wan Nickelodeon nang maikspur kimusnya. Damini, anime jadi sabuting bisnis nang manciharakan gasan sabarataan urang, wan banyak jua urang nang manggunaakan hal ngini gasan batindak kajahatan. Paulah anime dikiau animatur. Bubuhan animatur bagawi di sabuah studio gasan maulah sabuah anime. Di dalam studio ngitu, tadapat babarapa animator nang saling bacaram gasan mangulihakan sabuah anime nang bagus. Tagal, liwar disayangakan, gajih matan bubuhan animatur ngitu sahikitannya haja lamun dibandingakan lawan kacangkalan bubuhannya. Hal ngini nang maulah bubuhan animator kulir gasan bagawi sacara lihai. Bubuhannya marasa hal ngitu kada sabanding lawan usaha nang sudah bubuhannya gawi. Bubuhan animatur ngitu rancak disambat "saniman humbayang". Marga bubuhannya bagawi kaya saurang saniman nang bausaha mangamukakan unsur kisah wan unsur intrinsiknya.
Pambajakan mangalihi bubuhan animatur jua gasan mangulihakan kauntungan hibak matan kulih bacaram bubuhannya, sakalinya ada jua "pakuyaan" nang manyambat lamun ada bubuhan pakulih anime nang manyabarakan karya bubuhannya di luar jalur padagangan rasmi (mungkin garatisan atawa dibajak) lawan tujuan gasan labih manyuhurakan kulih karya bubuhannya.
Kada sahikit urang nang bulik ka Japang gasan balajar pasal paulahan anime (wan manga tantunya) marga tatarik imbah malihat bamamacam anime nang sudah manyabar ka bamamacam palusuk dunia di bamamacam banua.[rujukan?] Ada jua bubuhan nang maulah kulih karya nang sarupa atawa bahkan mungkin maniru ciri anime, misalnya Korea wan bamamacam nagara Asia lainnya.
Tiknuligi CG (Computer Graphics), Tiknulugi Visual Komputer, wan samacamnya sudah manyamani paulahan anime damini, marga ngitu ada nang maanggap lamun mutu artistiknya tarandah dibandingakan lawan anime bahari. Wastu haja parlu dihatiakan lamun mutu gambarnya jua damini tanikmat dijanak wan tanyaman dipahami marga gambarnya labih saimbang wan kalirnya tabagus, ditambah ada tiknulugi HD.
Jujuhutan
[babak | babak asal-mulanya]
Kasalahan pangutipan: Ditemukan tag <ref> untuk kelompok bernama "lower-alpha", tapi tidak ditemukan tag <references group="lower-alpha"/> yang berkaitan
- ^ Kasalahan pangutipan: Tag
<ref>tidak sah; tidak ditemukan teks untuk ref bernamajapanese - ^ Kasalahan pangutipan: Tag
<ref>tidak sah; tidak ditemukan teks untuk ref bernamawebster - ^ Kasalahan pangutipan: Tag
<ref>tidak sah; tidak ditemukan teks untuk ref bernamaanna - ^ Rush, Amanda (12 Juli 2013). "FEATURE: Inside Rooster Teeth's "RWBY"". Crunchyroll. Diarsipkan dari versi asli tanggal 2019-02-11. Diakses tanggal 18 Juli 2013.
- ^ O'Brien, Chris (30 Juli 2012). "Can Americans Make Anime?". The Escapist. The Escapist. Diarsipkan dari versi asli tanggal 2018-12-24. Diakses tanggal 17 Juli 2013.
- ^ Fakhruddin, Mufaddal. "'Torkaizer', Middle East's First Anime Show". IGN. Diakses tanggal 12 Juni 2013.
- ^ Ruh 2014, hlm. 134–135.