Anime

Tumatan Wikipidia basa Banjar, insiklupidia bibas
Loncat ke navigasi Loncat ke pencarian

'Citakan:Anime wan manga

Wikipe-tan nang marupa'akan sa'urang tukuh piksi nang dipakai ulih Wikipidia sabagai maskut artikal bapamandiran anime wan manga.

Anime' (アニメ) (baca: a-ni-me, lain a-nim) adalah kemos has Japang, nang rajin diciri'akan malalu'i gambar-gambar bawarna-warni nang manampai'akan tukuh-tukuh dalam bamacam-macam lukasi wan kisah, nang dituju'akan pada baragam janis panonton. Anime dipangaruhi gaya gambar manga, kumik has Japang.

Kata anime dalam bantuk tulisan dalam tiga karaktir katakana a, ni, me (アニメ) nang marupakan bahasa sarapan matan bahasa Inggris "Animation" wan diucap'akan sabagai "Anime-shon".

Anime panambaian nang mancapai kapapuliran nang luas Astro Boy ulahan Ozamu Tezuka pada tahun 1963. Wayah ngini anime sudah bakambang banar amun dibanding'akan lawan anime bahari. Lawan garapik nang sudah bakambang sampai alur kisah nang labih manarik wan rami.

Urang Japang antusias banar malihat anime wan mambaca'i manga. Matan kakanakan sampai urang tuha. Bubuhannya ma'anggap, anime ngitu sabagai palihan matan kahidupan bubuhannya. Hal ngini nang ma'ulah babarapa telepisi kabal nang takanal ulih babarapa pilem kemosnya, kaya Cartoon Network wan Nickelodeon mangikspur kemosnya. Wayah ngini anime jadi sabuah bisnis nang manciharakan gasan sabarataan urang, wan banyak jua urang nang mangguna'akan hal ngini gasan manggawi kajahatan. Nang maulah anime ngitu saurangan disambat animatur. Bubuhan animator ngini bagawi di sabuah parusahaan midia gasan mampruduksi sabuah anime. Di dalam parusahaan ngitu, ada babarapa animatur nang saling baimbaian bagawi gasan mahasilakan sabuah anime nang bakualitas. Tagal sayang banar, gajinya matan bubuhan animatur ngitu sadikit haja amun dibandingakan lawan gawian bubuhannya. Hal ngini nang ma'ulah bubuhan animatur indah bagawi sacara prupisiunal. Bubuhannya marasa hal ngitu kada sabanding lawan gawian nang sudah bubuhannya gawi. Bubuhan animatur ngitu saurang rancak disambat "saniman hambayang". Marga bagawi nang kaya saurang saniman nang ba'usaha mangamuka'akan unsur kisah wan unsur intrinsiknya.

Pambajakan jua maulah ngalih bubuhan animatur gasan dapat ka'untungan hibak matan hasil gawian bubuhannya, supaya ada jua "gusip" nang mamadahakan bahwa ada jua pihak prudusin anime ngitu saurang nang manyabarluasakan ulahan inya di luar jalur pardagangan rasmi (mungkin gratis atawa dibajak) gasan labih mamamulirakan hasil karyanya.

Kada sadikit urang nang tulak ka Japang gasan balajar kayapa ma'ulan anime wan manga marga kapingin imbah malihat bamacam-macam anime nang sudah manyabar ka babagai palusuk dunia. Pihak nang ma'ulah hasil karya nang kaya atawa bahkan mungkin maniru ciri anime, misalnya Korea wan babarapa nagara Asia nang lain.

Tiknulugi CG (Computer Graphics) wan Tiknulugi Visual, kumputir wan sabagainya manjadi'akan tanyaman ba'ulah anime wayah ngini, marga ngitu ada nang ma'anggap kalu kualitas artistiknya tarandah dibandingakan lawan anime bahari. Wastu haja parlu dihati'akan kalu kualitas gambarnya jua wayah ngini tanyaman dijanaki wan tanyaman dipahami marga gambarnya labih prupursiunal wan warnanya tabagus, ditambah adanya tiknulugi HD.