Anchorage, Alaska

Anchorage adalah Munisipalitas nang bagabung wan baisi pamarintahan saurang (resminya disambat Munisipalitas Anchorage) di nagara bagian Alaska. Kota ngini jua termasuk wilayah sensus. Urangnya ada 260,283 ikung menurut sensus tahun 2000, Anchorage adalah kota pengganalnya di nagara bagian Alaska, nang bajumlah labih dari dua perlima panduduk seberataan nagara bagian ini. Saurang ahli demografi nagara Alaska tahun 2004 manaksirakan jumlah urangnya ada 277.498 ikung. Anchorage didirikan pada tahun 1915 dan dinamai imbah wadah kapal mangaluarakan jangkarnya. "Kota Cahaya wan Bunga", nang marujuk ka ribuan bangunan nang dihiasi lawan lampu putih halus sapanjang musim dingin wan bakambangnya bunga-bunga nang luar biasa di musim panas. Nang katuju membahas taman manyambat Anchorage sabagai "ibu kota Keranjang Kembang Gantung Dunia" nang manuju ka ribuan keranjang gantung di kota ngini. Nang katuju bapasawat manggambarakan kota ngini lawan slogan rasmi sabalumnya, "Kalaluan Udara Dunia", maraga lokasi geograpisnya ada diantara dua benua utara wan lokasi strategisnya dalam dunia kapal wan transportasi.

Di tangah kota Anchorage, sapanjang jalan wan di pinggir jalan ada marigold amas nang dihiasi lawan lobia sapphire. Kambang-kambang warna biru wan amas ngini manggambarakan warna bendera Munisipal Anchorage wan Bendera Alaska. Kota Anchorage cagaran berwarna-warni pas akhir musim semi wan musim panas.

Sejarah

Rusia sudah menduduki wilayah Amirika Utara pas tahun 1800-an. Pas 1867, Sekretaris Daerah AS William H. Seward manyatujui gasan manukari wilayah Alaska matan Rusia dengan haraga $7.2 juta. Wayah itu, wilayah Alaska kada banyak dihargai ulih kebanyakan buhan Amerika. Buhannya menyambat dengan "Seward's folly", "Sewards icebox", atawa "Walrusia". Pas tahun 1888, amas ditamui di kawasan Turnagain Arm. Pas 1912, Alaska jadi wilayah teritorial AS. Kota Anchorage sudah mulai dibangun ulih arsitek tahun 1914. Sebuting konstruksi rel dibangun, pas 9 Juli 1915, kota mulai manjual hasilnya. Pas tahun 1915 Presiden AS Woodrow Wilson ma anggar duit gasan pambangunan konstruksi Alaska Railroad.

Geografi wan iklim

Geografi

Anchorage ada di Alaska Tengah Selatan, di koordinat 61°13′06′′ Utara, 149°53′57′′ Barat. Kota ngini sama lawan Stockholm atawa St. Petersburg di utara bumi, sama lawan Hawaii di barat bumi. Kota ngini ada di 290 mil (470 km) timur laut matan Pulau Kodiak wan 130 mil (210 km) selatan Gunung McKinley. Di timur, kota ngini bebatasan ulih taman Gunung Chugach.

Iklim

Suhu di daerah ngini di musim panas antara 13 sampai 27 derajat Celsius; mun di musim dingin suhunya antara -15 sampai -7 derajat Celsius. Bandara Internasional Anchorage Ted Stevens (ICAO: PANC) mancatat suhu bulan Januari antara -13 sampai -5 °C.  Cuaca saban harinya kadang kada kawa ditangguhi. Pas musim dingin, kadang-kadang salju kandal kawa mancapai babarapa batis wan suhunya liwar dingin banar, tapi kadang-kadang jua salju kandanya cuma satu atawa dua batis haja. Pas 17 Maret 2002, kekandalan salju suah sampai 25,7 inci (65,3 cm) maulah bandara wan sakolahan ditutup hari itu.  Musim dingin 1954-1955 suah mancatat tinggi salju sampai 132,8 inci (337,3 cm) sahingga tercatat jadimusim dingin paling basalju nang pernah dicatat. Suhu perandahnya nang pernah tacatat di Bandara Internasional Anchorage Ted Stevens adalah -38.8 °C pada 3 Pébruari1948. Musim panas di sini kada tapi panas banar wan kadang-kadang hujan. Kadada urang nang bajamur di pantai pas musim panas, kecuali di babarapa danau pas hari pemanasnya di musim panas. Bandara Internasional Anchorage Ted Stevens mancatat suhu pemanasnya adalah antara 52 °F - 66 °F (11 °C - 19 °C) wan suhu pemanasnya nang pernah dicatat adalah 86 °F (30 °C) di 25 Juni 1953. Rata-rata presipitasi tahunan di Bandara Internasional Anchorage Ted Stevens adalah 16.07 inci (40.8 cm).  Pas musim panas di Alaska, banyak nyamuk, apalagi di Alaskan Bush. Di musim dingin, siangnya hendep banar wan malamnya panjang. Pas musim dingin, banyak urang Anchorage nang tulak begawi pas malam wan bulik ka rumah pas malam pulang. Buhan nang kada begawi di parak jendela kawa malihat kadap tanpa malihat matahari semingguan.