Aminullah

Aminullah

Riwayat
Kamatian	Makam Datu Bagul
Agama (id)	Islam
Gawian
Gawian	Ulama (id)

Datu Bagul atawa Syekh Aminullah bin Abdurrahman bin Ahmad adalah saurang ulama nang baasal matan Persia (kini Iran). Inya dikanal luas ulih bubuhan Martapura sabagai wali Allah nang datang ka Tanah Banjar gasan manyebarakan ajaran Islam. Datu Bagul bagana di Kampung Tungkaran, Martapura, wan malakukan dakwah wan khalwat di wilayah itu.

Latar belakang wan datangnya Datu Bagul

Datu Bagul lahir lawan ngaran asli Syekh Aminullah wan asalnya matan Persia. Inya mamutusakan gasan marantau ka Martapura gasan manyebarakan ajaran Islam. Datangnya ngini manjadi panambaian dakwah nang digawi ulih Datu Bagul di wilayah ngitu. Inya mamakai kapal dagangnya lawan barang dagangannya gasan balayar ka Martapura wan bagana di sana.

Dakwah wan ajaran Islam

Datu Bagul kada hanya bajual, tapi jua mambahas agama Islam ka urang Banjar. Wadahnya, Kampung Tungkaran, manjadi pusat aktipitas dakwah wan khalwat nang digawi ulih Datu Bagul. Inya jua suah manjadi guru dari Datu Kelampayan. ,

Kamatian

Kubah Datu Bagul

Inya habis umur wayah umur 35 tahun, nang mana inya bakubur di halaman wadahnya sorang wan parak kubah Datu Bajanggut atawa Syekh Umar Bin Yusup Bin Syech Abdullah Bin Syekh Muhammad Arsyad Al Banjari, yakni di Kampung Keramat Baru, Martapura Timur, Kabupatin Banjar. Sampai inya habis umur, Datu Bagul kada baisi bini atawa anak.

Warisan wan Pangaturan Papan Haji

Guru Sekumpul, saurang tokoh ulama nang dihurmati lawan bubuhan Banjar, suah mangalula kubah makam Datu Bagul matan tahun 1980-an. Warisan langgar wan kabun karét di parak kubah jua diwarisakan ka turunan nya. Guru Sekumpul baharap bahua wadah ngitu baisi nilai ruhani wan kawa mamparulih manfaat di masa kainanya.