Ahmad Zaini
| Riwayat | |
|---|---|
| Kamatian |
17 April 1966 (76 tahun (id)  ) |
| Alkah | Kubah Wali Lima |
| Agama (id) | Islam |
| Gawian | |
| Gawian |
Ulama (id) wan pegawai negeri sipil (id) |
 | |
Guru Haji Ahmad Zaini atawa ngaran lengkapnya Ahmad Zaini bin Abdurrahman bin Haji Zainuddin bin Abdus Shomad bin Abdullah Al-Banjari adalah saurang mufti matan Banjar waktu jaman pamarintahan Hindia Walanda. Inya lahir di Tunggul Irang tanggal 17 Rabiulawal 1307 Hijriah atawa 11 November 1889 Masihi. Imbah Indunisia mardika, inya suah jadi pajabat di Kantur Dapartimin Agama, Kabupatin Banjar, Kalimantan Salatan.[1]
Abahnya bangaran Guru Haji Abdurrahman atawa Guru Adu, nang mana abahnya tamasuk lawan ulama nang takanal di jamannya. Maraga ngitu, Guru Ahmad Zaini balajar ilmu agama langsung lawan abahnya. Walaupun lawan kuitan saurang, Guru. Ahmad Zaini tatap hurmat, baadab wan tawadu. Malah, inya dinilai cangkal waktu belajar lawan abahnya. Ditambah pulang lawan kaadaan kulawarganya nang harmunis maulah inya kawa lakas mamahami ilmu agama nang inya palajari.[2]
Kahidupan paribadi
[babak | babak asal-mulanya]Salawas kawin lawan bininya, Hajjah Sanah, inya baisi lima anak, yakni dua ikung babinian (Hajjah Arfah wan Hajjah Mulia),wan tiga ikung lalakian (Guru Haji Husin Qadri, Guru Haji Badruddin, wan Guru Haji Muhammad Rosyad).[2]
Kamatian
[babak | babak asal-mulanya]Inya habis umur pada Jumahat malam tanggal 25 Dzulhijjah tahun 1385 Hjiriah atawa 17 April1966, nang mana inya waktu ngitu baisi umur 78 tahun. Janajahnya dikubur di alkah kulawarga beliau di Tunggul Irang parak abahnya atawa nang rancak disambat lawan Kubah Tunggul Irang atawa Kubah Wali Lima .[2]
Referensi
[babak | babak asal-mulanya]- ^ Safwan, Abu Nazwa (2007). 100 Tokoh Kalimantan. Kandangan: Penerbit Sahabat. hlm. 154.
- ^ a b c "Ulama Banjar (11): KH. Ahmad Zaini". Alif.ID (dalam bahasa Indonesia). 2020-11-25. Diakses tanggal 2023-11-21.