Abdurrahman Wahid
Abdurrahman Wahid atawa nang rancak dikiau Gus Dur (lahir di Jombang, Jawa Timur, 4 Agustus 1940) adalah seorang tokoh ulama nang jadi Presiden ka-ampat Republik Indunisia (1999-2001). Salawas hidupnya, Abdurrahman Wahid sampat manjadi pendiri wan pengasuh Pondok Pesantren Ciganjur, Jakarta Selatan. Sidin marupakan anak sulung dari Wahid Hasjim, yakni tokoh Nahdatul Ulama nang suah manjadi Menteri Agama Republik Indunisia. Abdurrahman Wahid dahulu manimba ilmu di Pesantren Tambakberas Jombang (1959-1963). Imbah nitu sidin manarusakan pendidikan ka Universitas Al-Ahzar, Cairo, yakni pada Departemen Of Higher Islamic and Arabic Studies. Imbah lulus matan Universitas Al-Ahzar, Abdurrahman Wahid manarusakan pandidikan di Fakultas Sastra Universitas Bagdad, Irak. Sampai tahun 1970, sidin aktif di barbagai kagiatan perhimpunan pelajar Indonesia di Timur Tangah.
Abdurrahman Wahid kada cuma dipatuhi sabagai politikus, sidin jua parnah bagawi sebagai kolumnis di barbagai majalah wan harian di Jakarta. Gawian sidin sabagai penulis bamula matan umur walasan tahun. Kamudian sidin berperan dibidang pendidikan dengan jadi guru madrasah (1959). Salain bagawi jadi penulis, Abdurrahman Wahid jua sawat jadi dosen wan dekan Fakultas Ushuluddin Universitas Hasjim Asy'ari di Jombang, Jawa Timur (1972-1974), imbah nitu sidin jua manjabat sabagai sekretaris di Pesantren Tebuireng (1974-1979).[1]
Rujukan
[babak | babak asal-mulanya]- ^ Shadily, Hassan (1984). Ensiklopedi Indonesia. Jakarta: Ichtiar Baru - Van Hoeve. hlm. 3862.