Fadly H Yusran
| Fadly H Yusran | |
|---|---|
| Lahir | 21 Disimbir 1961 (umur 62) Citakan:Negara Amuntai, Hulu Sungai Utara, Kalimantan Selatan |
| Kawarganagaraan | Citakan:Negara Indonesia |
| Alma mater | Universitas Lambung Mangkurat, Banjarmasin McGill University, Montreal, Kanada The University of Western Australia, Perth |
| Gawian | Pangajar |
| Agama | Islam |
Prof. Ir. H. Fadly Hairannoor Yusran, M.Sc., Ph.D. (diranakakan di Amuntai, 21 Disimbir 1961) ialah urang nang pakar di bidang partanian wan pangajar Indunisia. Sidin marupakan guru besar Fakultas Pertanian Universitas Lambung Mangkurat. Sidin dikukuhakan sabagai guru besar di 30 Nupimbir 2013. Dalam acara pangukuhan nang marupakan Sidang Sanat Tarbuka Universitas Lambung Mangkurat, Prof. Ir. H. Fadly H. Yusran, M.Sc., Ph.D. memaparakan orasi ilmiah nang bajudul Karbon Organik Tanah: Konsentrasi Kecil Manfaat Besar yang Terabaikan.
Kisah hidup[babak | babak asal-mulanya]
Prof. Ir. H. Fadly Hairannoor Yusran, M.Sc., Ph.D. ialah anak ka ampat dari sambilan badingsanak. Sidin diranakakan di Amuntai, Kalimantan Selatan, rahatan tanggal 21 Desember 1961 dari kuitan nang bangaran Ahmad Yusran (alm) lawan Hj. Siti Nurhayati. Sidin basakulah di SDN Pancasila, SMPN I Amuntai, sampai ka SMAN I Amuntai. Imbah itu sidin bamadam di indung banua Kabupatin Hulu Sungai Utara, jadinya sidin paham banar lawan kahidupan masarakat lahan basah higa sungai.
Imbah malanjutakan pandidikan S1 (Insinyur) di Fakultas Pertanian Unlam Banjarbaru, sidin mulai mambuka wawasan parihal alam Kalimantan wan Indinisia sacara umum. Apalagi imbah sidin mandapat kasampatan bakunjang ka nagara Asean (Filipina, Malaysia, Brunei Darussalam, Singapura, wan Thailand) wan Jepang gasan kagiatan partukaran pamuda Ship for Southeast Asian Youth Program. Damikian juwa pas wayah sakulah S2 (M.Sc.) di McGill University, Montreal, Kanada, wan S3 (Ph.D.) di The University of Western Australia, Perth. Kagiatan saminar, palatihan, wan bakunjang ka Inggris, Pakistan, wan Walanda magin manambah pangalaman sidin. Damini sidin masih mangajar wan manulis artikel ilmiah populer juwa studi AMDAL. Sidin juwa mandapat kaparcayaan jadi Kapala UPT PTIK Unlam matan tahun 2006. [1]
Jujuhutan[babak | babak asal-mulanya]
- ^ "Prof. Ir. H. Fadly H. Yusran, M.Sc., Ph.D." Ilmu Tanah (dalam bahasa Indonesia). Diarsipkan dari versi asli tanggal 2022-11-25. Diakses tanggal 2022-11-25.
Tautan luar[babak | babak asal-mulanya]
- Profil dosen Archived 2014-02-21 at the Wayback Machine - Situs resmi Fakultas Pertanian Universitas Lambung Mangkurat, diakses 16 Februari 2014.
- Susunan Anggota Senat Fakultas Pertanian Unlam Archived 2014-02-21 at the Wayback Machine, - Situs resmi Fakultas Pertanian Universitas Lambung Mangkurat, diakses 16 Februari 2014.
