Wikipidia:WikiSalman/Parukunan turai

Laman tatambaian

Hadiah

Parukunan turai

Daptar artikal

Tatakunan

Picik disini gasan mandaptar Picik disini gasan klaim poin

Aturan panulisan

Artikal bulih maulah atawa mangambangakan artikel nang hudah ada.
Artikal musti ditulis haratan kompetisi.
Artikal nang diulah lain hasil jujuhutan matan ulahan urang lain.
Artikal ditulis sasuai lawan kaidah panulisan basa Banjar nang baik wan bujur (lain basa pamandiran saban hari, hatiakan kamus basa Banjar nang kawa diitihi disini (WikiKamus). Hatiakan tanda baca, hurup hereng, ejaan, wan huruf ganal.
Artikal Wikipedia bungasnya dimulai lawan pangartian wan gambaran nang jalas, ditulis lawan gaya basa deksriptif, lain riset bujur, wan pandapat surang.
Gaya panulisan musti deskriptif, lain naratif wan lain daptar poin atawa daptar tabil.
Artikal musti netral alias kada barat subalah. Artikal wajib baisi jujuhutan matan sumber nang tarparcaya wan jumlahnya mansyarati. Parnyataan-parnyataan subjektif musti kawa dipastiakan kabujuran sumbernya.
Artikal diulah sasuai lawan rujukan nang jalas. Lamun matan situs web berita/media massa, wajib mamakai situs web nang baisi redaksi nang jalas.
Artikal saban paragrapnya wajib baisi paling kada 1 jujuhutan taparcaya.
Artikal nang kada sasuai lawan katantuan kada pacangan dihitung ulih panitia.

Patulung klaim poin

Pasarta maisii borang nang sudah disadiakan panitia.
Panitia kaina mamariksa klaim poin nang sudah masuk di surél. Amun artikal pian ditarima, kaina poin nang didapatakan langsung dicatat. Amun klaim poin pian ditulak sabijian atawa sapalihan, pasarta dibari kasampatan paling banyak 2 kali gasan mambaiki.

Sistim panilaian

Pasarta kawa mamilih handak mangambangakan artikal atawa handak maulah artikal.

Nangini pilihan pakét nang disadiakan gasan mangambangakan artikal:

Naga Balimbur
manambahakan kontén sabanyak 6.000 bita. manambahakan minimal 1 subjudul, lain pada jujuhutan atawa tautan luar. paling sadikit 10 jujuhutan/référénsi. Poin 40

Bintang Bahambur
manambahakan kontén sabanyak 3.000 bita. manambahakan minimal 1 subjudul, lain pada jujuhutan atawa tautan luar. paling sadikit 5 jujuhutan/référénsi. Poin 20

Nangini pilihan pakét nang disadiakan gasan maulah artikal hanyar:

Iris Pudak
manambahakan kontén sabanyak 10.000 bita. manambahakan minimal 2 subjudul, lain pada jujuhutan atawa tautan luar. paling sadikit 8 jujuhutan/référénsi. Poin 60

Hiris Gagatas
manambahakan kontén sabanyak 5.000 bita. manambahakan minimal 1 subjudul, lain pada jujuhutan atawa tautan luar. paling sadikit 3 jujuhutan/référénsi. Poin 30

Buku Panduan

Nang ngini buku panduan nang kawa Pian jadiakan cuntuh hagan mangambangakan atawa manulis artikel di Wikipidia basa Banjar: