Janaki asal-mulanya gasan Hari Raya Pitrah

{{Infobox hari parai |
|holiday_name=Hari Raya Pitrah
|official_name=عيد الفطر
|nickname=Hari Raya Pitrah
|image=Salat Id di Masjid Raya Sabilal Muhtadin.jpg
|caption=Sambahyang Hari Raya Pitrah di [[Masigit Raya Sabilal Muhtadin]].
|observedby=Umat [[Muslim]]
|date=[[1 Sawal]]
|observances=[[Sambahyang Hari Raya]]
|celebrations= Ibadah, maunjuk hadiah, bailang ka dangsanak kulawarga atawa jua jiran, bulik kampung, bahias
|type=Hari libur agama
|significance=Ditandai lawan bawarihnya bulan [[Ramadan]], bulan puasa
|relatedto=[[Ramadan]] nang balangsung salawas 29-30 hari imbah tinggalamnya matahari wayah hari pauncitan. [[Hari Raya Haji]], nang disambut 70 hari imbahnya
|date2021=[[13 Mai]]
}}

'''Hari Raya Pitrah''' ({{lang-id|'''Idulfitri'''}}) adalah [[hari raya]] umat [[Islam]] nang gugur wayah tanggal [[1 Sawal]] di [[Almanak Hijriah|pananggalan Hijriah]]. Marga panantuan 1 Sawal nang badasarakan paulaian bulan ngitu, maka Hari Raya Pitrah gugur wayah tanggal nang balain-lain saban tahunnya lamun dijanak matan [[Almanak Gregorian|pananggalan Masihi]]. Cara manantuakan 1 Sawal jua bamacam-macam jadi kawa jua ada sapalihan umat Islam nang marayaakannya wayah tanggal Masihi nang balain.

== Ibadah wan taradisi ==

[[Berkas:Ketupat2.jpg|jmpl|250px|kiri|Katupat nang rancak disurungakan wayah Hari Raya Pitrah.]]

Wayah tanggal [[1 Sawal]], mulai bawarihnya puasa di bulan [[Ramadan]], imbah ngitu marayaakan Hari Raya Pitrah. Pamulaan [[baisukan]] rancak digawi sambahyang Hari Raya Pitrah ([[sambahyang Hari Raya]]), disunahakan manggawi sambahyang hari raya di tanah lapang atawa jua di [[kartak]] (tatambaian di kuta ganal). Sabalum sambahyang hari raya digawi, [[imam]] maingatakan siapa nang balum mambayar [[jakat pitrah]], marga lamun imbah sambahyang hari raya, hanyar mambayar jakatnya hukumnya [[sidakah]] biasa lain jakat. Ada jua hukum matan sambahyang Hari Raya Pitrah ngini adalah sunah muakat. Wayah malam sabalum wan imbah hari raya, umat muslim disunahakan mahalalawakan takbir. Ada jua kalimat takbir adalah sawagai ngini:

{| class="wikitable" width=700px tableborder="1" cellspacing="0" style="padding: 0.3em; float:center; margin: 3px 3px 1em 1em; border:1px solid #060; font-size:90%; text-align:left;"
|-
!style="color:#ffffff; background-color:#007f00;" |Arab	 
!style="color:#ffffff; background-color:#007f00;" |Latin	 
!style="color:#ffffff; background-color:#007f00;" |Terjemahan	 
|----	 
|{{lang|ar|الله أكبر الله أكبر الله أكبر}}	 
|''Allahu akbar, Allahu akbar, Allahu akbar''	 
|''Allah Mahaganal, Allah Mahaganal, Allah Mahaganal''
|----	 
|{{lang|ar|لا إله إلا الله}}	 
|''la ilaha illa Allah''	 
|''Kadada Tuhan salain Allah''	 
|----	 
|{{lang|ar|الله أكبر الله أكبر}}	 
|''Allahu akbar, Allahu akbar''	 
|''Allah Mahaganal, Allah Mahaganal''	 
|----	 
|{{lang|ar|ولله الحمد}}	 
|''wa li-illahi al-ḥamd''
|''Sagala puji wastu gasan Allah''	 
|}

Takbir mulai dihalalawakan imba bulan [[Sawal]] dimulai. Sawalih manunaiakan sambahyang sunah Hari Raya Pitrah, bubuhan muslimin musti mambayar [[jakat pitrah]] jua<ref>Weigers, Gerard."Ibadat". ''Encyclopedia of Islam and the Muslim world'', hal. 327</ref><ref>Gaffney, Patrick D. "Khutba." ''Encyclopedia of Islam and the Muslim World''. hal. 394.</ref> sabanyak 2,5 kilugram bahan pangan tatambaian. Tujuan matan jakat pitrah saurang adalah gasan mambari kahimungan gasan bubuhan pakir miskin. Imbah ngitu, hutbah dibariakan imbah sambahyang Hari Raya Pitrah tuntung, wan disambung lawan dua. Imbah ngitu, bubuhan muslimin di [[Indunisia]] baisi taradisi bamaap-maapan, bahanu sapalih urang pacangan bajiarah mailangi kuburan.<ref name = Ritual>Wiegers, Gerard. "Ritual". ''Encyclopedia of Islam and the Muslim world'', hal. 600</ref>

=== Dua atawa ucapan ===
Di Indunisia rancak maucapakan dua ''[[Minal 'Aidin wal-Faizin]]'', sabujurnya ngitu adalah [[taradisi]] masarakat [[Asia Tunggara]]. Maumpat sapalih ganal [[ulama]] ucapan ngitu lain badasar matan ucapan [[Nabi]] [[Muhammad|Muhammad saw]]. Paujaran ngini mulanya baasal matan saikung [[panyair]] wayah masa [[Al-Andalus]], nang bangaran Shafiyuddin Al-Huli, wayah inya mambawaakan [[sair]] nang kuntiksnya mangisahakan dundang [[bibinian]] wayah [[hari raya]].<ref>''Dawawin Asy-Syi’ri Al-’Arabi ‘ala Marri Al-Ushur, 19:182.''</ref>

Ucapan nang disunahakan ulihnya adalah ''Taqabbalallahu minna wa minkum'' ("Mudahan Allah manarima amal kami wan bubuhan Pian") atawa ''Taqabbalallahu minna waminkum wa ahalahullahu ‘alaik '' ("Mudahan Allah manarima (amalan) matan kami wan matan Pian sabarataan wan mudahan Allah manyampurnaakannya atas Pian" wan samisalnya.”) wan samisalnya.<ref>[[Muhammad bin Ziyad]], baujar: "Wayah ngitu aku lawan Abu Umamah Al-Bahili radhiallahu anhu wan sapalihan sahabat Nabi shallallahu alaihi wasallam nang lain, imbah ngitu lamun bubuhannya bulik sapalihan maucapakan gasan sapalihan lainnya: (Taqabbalallahu minna waminkum) (Mudahan Allah manarima amal kami wan bubuhan Pian), Imam [[Ahmad bin Hanbal]] baujar: "Sanadnya baik." Matan [[Ibnu At-Turkimani]] dalam kitapnya ''Al-Jauhar An-Naqiy Hasyiah Al-Baihaqi'' (3/320-321).</ref><ref>Syeikh Al-Albani rahimahullah dalam kitap ''Tamamul Minnah'' (356).</ref><ref>Ibnu Qudamah dalam kitap ''Al-Mughni'' (2/259).</ref><ref>Al-Ashbahani dalam kitapnya ''At-Targhib Wa At-Tarhib'' (1/251).</ref>

== Hari Raya Pitrah di bamamacam wilayah ==
=== Asia ===
==== Asia Tunggara ====
Umat Islam di [[Indunisia]] manjadiakan Hari Raya Pitrah jadi hari raya tatambaian, wayah gasan bakumpul pulang lawan kulawarga, apalagi kulawarga nang marga sabuting alasan, misalnya gawian atawa pakawinan, musti bapisah. Matan dua minggu sabalum Hari Raya Pitrah, umat Islam di Indunisia bamula auran mamikirakan parayaan hari raya ngini, nang panambaiannya adalah bulik kampung jadi pamarintah jua manyamani lawan mambujuri jalan-jalan nang dilalui. Hari Raya Pitrah di Indunisia diparingati sawagai [[hari parai|hari parai nasiunal]], nang diparingati ulih sapalih ganal masarakat Indunisia nang dasar mayuritas muslim. Rancaknya, panatapan Hari Raya Pitrah ditantuakan ulih pamarintah. Tagal, sapalih urmas Islam manatapakannya balain-lain. Hari Raya Pitrah di Indunisia disambat lawan ''Lebaran'', di mana sapalih ganal masarakat bulik kampung (''mudik'') gasan marayaakannya lawan kulawarga. Salawas parayaan, bamamacam makanan disurungakan. Surungan nang paling pupulir dalam parayaan Hari Raya Pitrah di Indunisia adalah [[katupat]], nang dasar liwar patuh di [[Indunisia]] wan [[Malaysia]].

== Riparinsi ==