Alang flores
| ?Alang flores | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| Satatus palastarian | ||||||||||||||
| Klasifikasi ilmiah | ||||||||||||||
| ||||||||||||||
| Ngaran binomial | ||||||||||||||
| Nisaetus floris (Hartert, 1898) | ||||||||||||||
| Sinonim | ||||||||||||||
|
Spizaetus floris |
Alang flores (Nisaetus floris) marupakan salah sabuting raptor matan kula Accipitridae. Alang ngini marupakan spesies endemik matan Kapulauan Sunda Kecil di Indunisia.[2] Alang ngini marupakan anggota genus Nisaetus, Alang flores baharinya dianggap sawagai subspesies wan sajanis lawan Alang brontok, tapi studi genetik mambuktiakan bahwa alang ngini marupakan spesies nang balain.[3] Predator nang mahuni hutan ngini diklasifikasiakan sawagai binatang nang taancam punah maraga hilangnya habitat buhannya wan parburuan.[1][4]
Deskripsi
[babak | babak asal-mulanya]Alang flores nang tuha baisi warna coklat tuha di bagian hatasnya, buntut bawarna coklat wan baisi anam garis, batanda putih di bagian galarnya nang kalihatan mun haratan tarabang, bagian bawah nang bawarna putih, wan kapala nang bawarna putih wan ada garis nang kacoklatan di hatas kapalanya (kabanyakannya buku-buku nang manggambarakan Alang flores nang tuha baisi warna coklat di parak samunyaan kapalanya). Lain pada ngitu, alang ngini baisi tanda bawarna coklat anum diparak pahanya. Tanda bawarna putih di hagian atasnya marupakan diagnostik spesises. Imbah ngitu, buntutnya baisi 6, kada 4-5, hijir.[3][5][6] Alang flores rancak dianggap sawagai subspesies matan Alang brontok; hal ngini maraga urang bingung malainakan nang mana bulu Alang flores tuha, nang bulunya hirip banar lawan Alang brontok nang bujang.[3][6] Balain lawan spesien nang ada, Alang flores nang tuha atawa nang bujang baisi ciri nang hirip-hirip haja.[3] Unlike some changeable hawk-eagles and many other Nisaetus, Flores hawk-eagles lack a head crest.[5]
Data nang ada manampaikan bahwa Alang flores awaknya taganal pada Alang brontok. Ukuran total nang dilaporakan biasanya sakitar 75 hingga 79 cm (30 hingga 31 in) tapi bisa jua bakisar matan 71 hingga 82 cm (28 hingga 32 in). Habar nang manyambatakan ukurannya halus nang bakisar matanit 60 cm (24 in) kira-kira baasal matan urang bingung nang manyamakannya lawan Alang brontok.[3][5][6] Laporan matan total panjang Alang flores tadi masih di dabatakan lawan Alang gunung masalah spesies mana nang paling ganal di Nisaetus, tapi spesies Alang gunung kalihatan taganal sayapnya, awak taganal kaliatannya pada Alang flores lawan jua buntutnya bantuknya panjang nang kaya Alang brontok. Tapi, kadada laporan nang mamadahakan barapa barat matan Alang flores.[5][7] Akord sayap matam Alang flores bakisar sakitar 430 hingga 462 mm (16,9 hingga 18,2 in).[5]
Kabiasaan wan habitat
[babak | babak asal-mulanya]Sawagai burung endemik matan Indonesia, Alang flores tasabar di hutan-hutan di Flores, Lombok, Sumbawa, wan di pulau-pulau di Nusa Tenggara. Alang ngini biasanya cungul dataran randah, tapi ada catatan nang marakam kacapatnnya tarabanv pas batajun sakitar 1600 meter (5200 ft).[3] Alang flores tarkanal tagantung banar lawan hutan hujan tropis .[4]
Catatan batis
[babak | babak asal-mulanya]- ^ a b Citakan:IUCN
- ^ Verhoeye, J. & Holmes. D. A. (1998). The birds of the islands of Flores -- a review. Kukila 10:3-59.
- ^ a b c d e f Gjershaug, J. O., Kvaløy, K., Røv, N., Prawiradilaga, D. M., Suparman, U., and Rahman, Z. (2004). The taxonomic status of Flores Hawk-Eagle Spizaetus floris. Forktail 20: 55–62
- ^ a b Raharjaningtrah, W., and Z. Rahman. 2004. Study on the distribution, habitat and ecology of Flores Hawk-eagle Spizaetus cirrhatus floris in Lombok, Sumbawa, Flores, Komodo, and Rinca Islands, Nusa Tenggara, Indonesia. Annual Report of Pro Natura Fund, 13:177-191.
- ^ a b c d e del Hoyo, J., N. Collar, J. S. Marks, and C.J. Sharpe (2020). Flores Hawk-Eagle (Nisaetus floris), version 1.0. In Birds of the World (J. del Hoyo, A. Elliott, J. Sargatal, D. A. Christie, and E. de Juana, Editors). Cornell Lab of Ornithology, Ithaca, NY, USA.
- ^ a b c Collaerts, P., Collaerts, E., Verbelen, P. and Trainor, C.R. (2013). Discovery of the Critically Endangered Flores Hawk Eagle Nisaetus floris on Alor island, Indonesia. BirdingASIA. 19: 48–51.
- ^ Ferguson-Lees, J., & Christie, D. A. (2001). Raptors of the World. Houghton Mifflin Harcourt.