Banyu Tajun Haratai
Banyu Tajun Haratai yatu banyu tajun nang baandak di Udik Haratai, Kacamatan Loksado, Kabupatin Hulu Sungai Salatan, Prupinsi Kalimantan Salatan, batingkat tiga awan katinggian asing-asingnya kurang labih 13 miter. Di bawahnya tadapat telaga nang dapat dipakai gasan mandi atawa gasan barandam haja. Banyu tajun ngini baandak di Pegunungan Meratus, di kawasan wisata Loksado.[1]
Banyu tajun ngini baandak di kawasan hutan lindung nang tamasuk dalam wadah gawian Kesatuan Pengelolaan Hutan (KPH) Hulu Sungai, Dinas Kehutanan Prupinsi Kalimantan Salatan.[2]
Di kawasan ngini jua tahaga dua banyu tajun lagi, yatu Banyu Tajun Riam Anai nang bakatinggian 4 mitir awan jarak kurang labih 2 kiluan matan kampung Malaris wan Banyu Tajun Kilat Api nang baandak di kampung Tanuhi 4 kiluan tumatan panginapan/cottage Tanuhi.[3]
Paharaguan
[babak | babak asal-mulanya]Nang maharagu wadah hutan lindung di sini yatu Lembaga Pengelola Hutan Desa (LPHD) Haratai. Di bawah pangawasan KPH Hulu Sungai Salatan, Dinas Kahutanan Kalimantan Salatan.
LPHD Haratai hudah baisi hak gaduh hutan lindung saluas 762 hiktar matan Kamantrian Lingkungan Hidup wan Kahutanan. Ijinnya dalam wadah parhutanan susial skema hutan kampung. Mambangun wan mandukung parbaikan hidup buhan situ tanpa maninggalakan kaarifan lukal wan kalastarian hutan.
Jarak Tulakan
[babak | babak asal-mulanya]Bajarak 38 kiluan matan kuta Kandangan atawa 165 kiluan matan kuta Banjarmasin. Bisa mamakai mutur surangan atawa mutur umum. Gasan nang mamakai mutur umum, pilih haja angkutan ka Kandangan, ibu kuta kabupatin Hulu Sungai Salatan. Imbah tu matan Kandangan ka Luksadu kawa ditulaki sakitaran sajaman. Imbah sampai di Luksadu, dilanjutakan ka kampung Haratai nang bajarak sakitaran 20 kiluan. Kandaraan nang ada di Haratai cuma ujik mutur.
Pasilitas
[babak | babak asal-mulanya]Disadiaakan lampau gasan bahinak sasambil malihati kanyamanan suasana, jua wadah baganti baju. Banyak jua wadah bamalam di sakitaran Luksadu, salain Cottage Tanuhi jua ada Wisma Luksadu, WIsma Amandit di Muara Hatip lawan Balai Malaris di kampung Malaris. Tarip kamar jua banyak macam, mulai matan puluhan sampai ratusan ribu.
Rujukan
[babak | babak asal-mulanya]- ↑ Air Terjun Haratai
- ↑ Yulianus, Jumarto (03 Juni 2017). "Air Terjun Haratai, Magnet Wisata Loksado". Kompas.com. Diakses tanggal 24 Januari 2026.
- ↑ "Wisata Air Terjun Haratai". Diarsipkan dari versi asli tanggal 2016-06-08. Diakses tanggal 2020-02-07.