Masaru Emoto

Tumatan Wikipidia basa Banjar, insiklupidia bibas
Malacung ka napigasi, gagai

Masaru Emoto adalah sa'ikung panaliti tumatan Hado Institute di Tokyo, Japang wayah tahun 2003 dalam panalitian sidin mamadahakan suatu kaanihan sipat banyu. Limbah ma’itihi labih dua ribu cuntuh foto kristal banyu nang dikumpulakan sidin tumatan bamacam-macam buncu dunia, Emoto mahaba bahua partikel molekul banyu nyatanya kawa ba’ubah-ubah tagantung pangrasa manusia disakulilingnya,[1] nang sacara kada langsung ma’isaratakan pangaruh pagrasa kapada klasterisasi molekul banyu nang tabantuk ulih adanya ikatan hidrogen,

Emoto gin jua mahaba bahua partikel kristal banyu pina talihat jadi "bungas" wan "mangagumkan" kabila mandapat reaksi positip disakulilingnya, pariannya pangrasa kahimungan dan kabahagiaan. tagal partikel kristal banyu talihat jadi "uhu" dan "kada nyaman dilihat mata" kabila mandapat efek negatip disakulilingnya, pariannya rasa sadih wan kaluratan. Labih matan dua ribu gabar foto kristal banyu ta'ulih didalam buku Message from Water (Pasan matan Banyu) nang dikarang sidin sabagai pambuktian kasimpulan sidin sahingganya hal naini bapilawang jadi suatu ambahan dalam mayakini ka'ajaiban alam. Emoto manyimpulakan bahua partikel banyu kawa ai dipangaruhi ulih suara musik, du'a-du'a wan kata-kata nang ditulis wan diculupakan ka dalam banyu naitu.[2]

Sampai wayahini Emoto wan karya sidin magun ai dianggap kontroversial.[3][4][5][6] Ernst Braun tumatan Burgistein di Thun, Swiss, sudah mancuba dalam laboratorium sidin metoda ma’ulah foto kristal nangkaya dipadahakan ulih Emoto, tagal sayang pang hasil nangkaya naitu kada kawa direproduksi ba'asa, walau dalam kundisi parcubaan nang sama.[7]

Rujukan[babak | sunting sumber]

  1. ^ (Bahasa Inggris) Masaru Emoto, answer.com
  2. ^ (Bahasa Inggris) Masaru Emoto, Message From Water, Vol.2, Hado Kyoiku Sha Co., Ltd (November 15, 2001)
  3. ^ (Bahasa Inggris) Masaru Emoto, answer.com
  4. ^ Stephen Lower, A gentle introduction to the structure of water, 01.01.2007
  5. ^ Pseudoscience: myths, hoaxes and misunderstandings concerning water, Lenntech Water treatment & air purification Holding B.V., 27.02.2007 16:15:50
  6. ^ Water Cluster Quackery -- The junk science of structure-altered waters, 13.01.2007 22:17:49
  7. ^ (de) Martin Frischknecht, Kristalline Emotionen, Masaru Emotos "Fröhliche Wissenschaft" mit dem Wasser, Ausgabe Nr. 63 Frühling 2002