Bekantan

Tumatan Wikipidia basa Banjar, insiklupidia bibas
Malacung ka napigasi, gagai
?Bekantan
Proboscis.jpg
Status konservasi
Klasifikasi ilmiah
Karajaan: Animalia
Filum: Chordata
Kelas: Mammalia
Ordo: Primata
Famili: Cercopithecidae
Upafamili: Colobinae
Genus: Nasalis
É. Geoffroy, 1812
Spesies: N. larvatus
Nama binomial
Nasalis larvatus
Wurmb, 1787
Nasalis larvatus range map.png

Bakantan (Nasalis larvatus), warik nang hidungnya panjang, rambutnya suklat habang, tamasuk mamarina Nasalis.

Ciri bakantan wan warik lainnya: hidungnya ganal, panjang, wan dianggap jagau. Kagunaan hidung bakantan nang panjang, kada pasti jua. Kikira marga sudah alamnya. Bakantan bini katuju lawan bakantan laki nang taganal wan tapanjang hidungnya. Marga hidungnya jua, bakantan disambat warik Walanda.

Bakantan laki taganal pada nang bini. Ukurannya hingkat 75 sinti, baratnya bisa 24 kilu. Bakantan bini ukurannya 60 sintian, barat 12 kiluan. Parutnya ganal, marga katuju bamamakan. Lain pada buah-buahan wan bigi-bigian, bakantan makan daun-daunan, nang jadi gas di paparutannya. Tu marganya parut bakantan ganal.

Bakantan hidup di hutan bakau wan di rawa-rawa nang banyak puhun rambainya, wan di hutan pantai di banua Kalimantan. Bakantan rajin takumpulan 10-32 ikung di atas puhun. Bakantan kawa bakunyung, bahanu bakunyung manyubarang ka pulau lain.

Marga kada banyak lagi wan hutan wadahnya badiam bakurang, bakantan tamasuk satua nang dilindungi dalam IUCN Red List. Bakantan masuk daptar CITES Appendix I.