Bakunyung

Tumatan Wikipidia basa Banjar, insiklupidia bibas
Malacung ka napigasi, gagai
Parlumbaan bakunyung

Bakunyung[1] adalah garakan sewaktu baungal di banyu, dan biasanya tanpa parlangkapan buatan. Kagiatan ini hingkat dimanfaatakan hagan rekreasi dan olahraga. Bakunyung dipakai parhatan baungal matan asa wadah ka wadah lainnya di banyu, mancari iwak, mandi, atawa malakukan olahraga banyu.

Bakunyung hagan kaparluan rekreasi dan kompetisi dilakukan urang di kulam kunyung. Manusia jua bakunyung di sungai, di danau, dan di laut sabagai bantuk rekreasi. Olahraga bakunyung maulah awak wagas karana babaya semua otot awak dipakai parhatan bakunyung.

Sajarah[babak | sunting sumber]

Manusia sudah hingkat bakunyung tumatan jaman prasajarah, bukti tatuha pasal bakunyung adalah lukisan-lukisan tantang perenang matan Zaman Batu sudah ditamuakan di "gua perenang" nang baparakan lawan Wadi Sora di Gilf Kebir, Mesir barat daya. Catatan tatuha pasal bakunyung barasal matan 2000 SM. Babarapa di antara dokumen tatuha nang manyambat tantang bakunyung adalah Epos Gilgamesh, Iliad, Odyssey, dan Alkitab (Kitab Yehezkiel 47:5, Kisah Para Rasul 27:42, Kitab Yesaya 25:11), serta Beowulf dan hikayat-hikayat lain. Pada 1538, Nikolaus Wynmann saurang profesor bahasa matan Jerman manulis buku pasal bakunyung nang pamuga, Perenang atawa Dialog pasal Seni bakunyung (Der Schwimmer oder ein Zwiegespräch über die Schwimmkunst).

Parlumbaan bakunyung di Eropa dimulai sakitar tahun 1800 imbah dibangunnya kulam-kulam bakunyung. Sepalih ganal pasarta parhatan itu bakunyung lawan gaya dada. Pada 1873, John Arthur Trudgen maminanduakan gaya rangkak muhara atawa disambat gaya trudgen dalam parlumbaan bakunyung di dunia Barat. Trudgen manirunya matan teknik bakunyung gaya bibas suku Indian di Amirika Salatan. Bakunyung marupakan salah asa cakang olahraga dalam Olimpiade Athena 1896. Pada tahun 1900, gaya punggung dimasukakan sabagai nomor hanyar renang Olimpiade. Persatuan bakunyung dunia, Federation Internationale de Natation (FINA) dibantuk pada 1908. Gaya kukupu nang pada awalnya marupakan salah asa variasi gaya dada ditarima sabagai suatu gaya surangan pada tahun 1952.

Catatan kaki[babak | sunting sumber]