Twitter

Tumatan Wikipidia basa Banjar, insiklupidia bibas
Malacung ka napigasi, gagai
Logo pertama Twitter (15 Juli 2006-14 September 2010).
Barakas:Twitter 2010 logo.svg.png
Logo kedua Twitter (14 September 2010-5 Juni 2012).

Twitter ngitu adalah sabuah situs web anggit wan diuparasiakan ulih Twitter Inc., nang manawarakan jajaring susial nang babantuk mikroblog jadi mamungkinakan pamakaynya gasan mangirim wan mambaca pasan nang biasanya disambat kicauan[1] (tweets). Kicauan adalah tulisan sampai 140 hurup nang ditampilakan di halaman parupil panggunanya. Kicauan kawa dilihat matan luar, tapinya pangirim kawa mambatasi pangiriman pasan ka daftar kakawanan buhannya haja. Pangguna kawa malihat kicauan panulis lain nang biasa disambat pengikut (paumpat) ("follower").

Samunyaan pangguna kawa mangirim wan manarima kicauan liwat situs Twitter, aplikasi ikstarnal nang kumpatibal (talipun salular), atawa lawan pasan singkat (SMS) nang tasadia di nagara-nagara nang tatantu. Situs ngini baisi basis di San Bruno, California parak wan San Francisco, di mana situs ngini nang panambayan kalinya diulah. Twitter jua baisi server wan kantur di San Antonio, Texas wan Boston, Massachusetts.

Matan diulah di tahun 2006 ulih Jack Dorsey, Twitter sudah mandapatakan papularitas di saluruh dunia wan wahini baisi labih matan 100 juta pangguna. Hal ngini rancak digambarakan nang kaya "SMS matan internet".

Twitter baisi lugu nang manyarupai saikung burung bawarna biru nang bangaran "Larry the "Bird", dingarani matan ngaran saikung mantan pamain baskit NBA, Larry Bird.

Referensi[babak | sunting sumber]

  • Aulia, Muhammad. 2010. Belajar Teknologi dengan Mudah. Depok: Gramedia Pustaka
  • Elcom. 2009. Twitter: Best Social Networking. Jakarta: Penerbit Andi Jogjakarta
  • Milstei, Sarah and Tim O’Reilly. 2009. The Twitter Book. USA: O’Reilly Media Inc.

Pranala luar[babak | sunting sumber]

Catatan kaki[babak | sunting sumber]

  1. ^ Ivan Lanin. Diambil pada tanggal 8 Juni 2011.

Citakan:Twitter navbox Citakan:Mikroblog