Sultan Adam
Sultan Adam atawa nang bangaran langkap Sulthan Adam Al-Watsiq Billah bin Sultan Sulaiman Saidullah II adalah Sultan Banjar nang mamarintah antara 3 Juni 1825 - 1 Nupimbir 1857. Al-Watsiq Billah matan ngarannya baasal matan galar nang dipakai bubuhan Khalifah dinasti Abbasiyah.[1]
Sultan Adam diranakakan di kampung Karang Anyar, Karang Intan, Kabupatin Banjar, Parupinsi Kalimantan Salatan. Sultan Adam adalah anak Sultan Sulaiman Rahmatullah nang panuhanya, dangsanaknya ada 22 ikung. Dangsanak sauma saabah 5 ikung, dangsanak saabah 17 ikung.[1]
Di masa pamarintahan Sultan Adam, pusat pamarintahan ada di Keraton, Sasaran, wan Pasayangan (Jalan Demang Lehman), Martapura. Inya mandapat galar Sultan Muda matan tahun 1782. Rahat inya habis umur pada 1 Nupimbir 1857, inya maninggalakan 23 Pangiran nang tadiri matan 3 anak lakian, 13 cucu lakian, 3 dangsanak lakian, 4 sapupu lakian (balum tamasuk lawan ratu/putri/gusti wan lakinya masing-masing), nang mana maulah daur di dalam kulawarganya maraga mamikirakan sultan nang kawa manggantiakan Sultan Adam.[2]
Album[babak | babak asal-mulanya]
Jujuhutan[babak | babak asal-mulanya]
- ^ a b Almanak van Nederlandsch-Indië voor het jaar ... (dalam bahasa Belanda). Lands Drukkery. 1858.
- ^ Indarwanto, Yanuar (June 2022). ""BIOGRAFI SULTAN ADAM AL-WATSIQ"". BIOGRAFI SULTAN ADAM AL-WATSIQ. 1: 2.