Péndéng
Péndéng[1]/Pendéng[1] atawa Ikat pinggang atawa sabuk ialah pita nang kawa malumbar, karancakannya diulah matan kulit atawa bahan pakaian karas, dan dipurukakan di sakuliling pinggang. Ikat pinggang baguna gasan maikat salawar atawa bahan pakaian nang lain, wan baguna jua gasan gaya atawa mode.
Sabuk sudah terdokumentasi gasan lalakian dan bibinian tumatan wayah Jaman Parunggu. Di jaman modern, urang panambaiannya bamula marasuk ikat pinggang tumatan tahun 1920-an, supaya salawar panjang nang dirasuknya kada tabalurut. Sabalum wayah itu, sabuk hinggan tikas dirasuk gasan hiasan haja, dan kabanyakannya dihubungakan lawan dunia militer.
Ada bamacam ragam sabuk, pariannya sabuk tatahan, nang biasanya ulahan matan kulit atawa bahan sarupa, dan dihiasi lawan logam, nang sudah umum dipuruk ulih bubuhan mode punk, emo, dan metal.
