Musium Mandar
Museum Mandar adalah musium nang andakannya di Pangali-ali, Kacamatan Banggae, Kabupatin Majene, Sulawasi Barat, Indunisia. Musium ngini didiriakan rahatan 2 Agustus 1984. Panambayan, musium ngini baandakan di rumah jabatan Bupati Majene, lamun di alih ka bakas Rumah Sakit Umum Majene.
Sajarah[babak | babak asal-mulanya]
Majene adalah salah sabuting kuta bahari paninggalan Walanda di Indunisia. Rahatan jaman ngitu, masa kolonial, Walanda baulah anam buting pusat pamarintahan di Pulau Sulawasi. Sabutingnya ngitu iya Majene sawagai pusat pamarintahan di Sulawasi Barat. Rahatan tahun 1908 Walanda baulah rumah sakit di Majene nang imbahnya ngitu baubah jadi Musium Mandar saat ini.[1]
Barang haraguan[babak | babak asal-mulanya]
Musium Mandar baisi dua bilik di bagian kiwanya, nang bilik panambayan baisi barang nangkaya baju pangantin raja wan bangsawan, tupi duwa alat musik tradisiunal Mandar. Bilik nang sabutingnya baisi map wilayah Karajaan Pamboang, Karajaan Sendan, wan Karajaan Banggae lawan jua cuuran raja Karajaan Balanipa matan nang panambayan sampai nang pauncitannya.
Lamun di bagian palatar dalam ada fasilitas sterilisasi alat medis duwa bilik gasan manyimpan bandira Karajaan Banggae, Karajaan Pamboang, wan Karajaan Sendana. Di pahujungan palatar ada paralatan rumah sakit wan gambar nang dikudak matan tahun 1926 sampai 1935. Bagian kanan bangunan juwa baisi 2 bilik, nang bilik panambayan baisi bamacam-macam sarung Mandar, lamunnya di bilik nang sabutingnya baisi rurumahan adat Mandar wan parkakas. Di pahujungan bilik ada rangka awak ular sawa nang panjangnya 8 meter nang hudah diawitakan.
Jujuhutan[babak | babak asal-mulanya]
- ^ Pertiwi, Ni (2012-10-21). "Museum Mandar, dari Perahu sampai Ular Piton". KOMPAS.com (dalam bahasa Indonesia). Diakses tanggal 2023-10-26.