Kulat

Tumatan Wikipidia basa Banjar, insiklupidia bibas
Malacung ka napigasi, gagai
Kulat kima/Jamur kancing (champignon) adalah kulat bahan makanan nang paling dikatujui di dunia.

Kulat (bahasa Indunisia: jamur/cendawan), sehari-hari mencakup beberapa hal nang pina bakait. Arti panambayan adalah samunyaan anggota kerajaan Fungi dan beberapa organisme nang suwah dianggap bakaitan, nangkaya kulat lendir dan "kulat balah" (Bacteria). Arti kadua bakaitan awan sanitasi dan manjadi sinonim gasan kapang. Arti nang uncit, nang handak dibahas dalam artikel nang ini, adalah tubuh buah nang lunak atawa kandal matan sakalompok (sagalambang?) anggota Fungi (Basidiomycetes) nang biasanya cungul tumat parmukaan tanah atawa substrat tumbuhnya. Bentuk umum kulat biasanya adalah nangkaya payung, tagal ha ada jua nang talihat nangkaya pipiringan. Pengertian nang uncit naini bakaitan awan nilai ekonomi kulat sabagai bahan makanan/pangan, sumber racun, atawa bahan pengobatan/tatamba.

Beberapa macam kulat aman haja pang dimakan manusia malahan beberapa dianggap bahasiat ubat, nangkaya jamur merang (Volvariela volvacea), jamur tiram (Pleurotus), jamur kuping (Auricularia polytricha), jamur kancing atau champignon (Agaricus campestris), dan jamur shiitake (Lentinus edulis). Kulat nang baracun contohnya adalah Amanita muscaria, dan kulat nang dipinandui sabagai "destroying angel". Kulat nang rancak ada di banua adalah kulat malam, kulat kurikit, bantilung.