Kelayangan

Tumatan Wikipidia basa Banjar, insiklupidia bibas
Malacung ka napigasi, gagai

Kelayangan (BK) atawa kalayangan (BH) adalah pasawat udara nang ditambatakan lawan salambar banang. Daya angkat nang diparlu-akan gasan maulah halar kelayangan tarbang dihasilakan wayah udara ma-alir di atas wan di bawah sayap kelayangan, mahasilakan tikinan randah di atas halar wan tikinan tinggi di bawahnya. Kakanakan katuju banar bamainan kelayangan, tagal kelayangan dipakay jua gasan upacara, alat bantu baunjun iwak atau manjarat kaluang wan kalalawar, bantu panalitian ilmiah, lawan media tanaga alternatif.

Ujar, kelayangan tu asalnya matan Cina. Tagal ada jua ilmuwan nang bapandapat kelayangan panambayan asalnya matan Pulau Muna, Sulawesi, Indunisia.

Kelayangan khas Malaysia dari nagara Kelantan ngarannya wau bulan. Kelayangan ngini jadi ilham gasan logo Malaysian Air. Kelayangan khas Kalimantan Selatan ada jua, ngarannya kelayangan dandang. Diterbangakan wayah musim kemarau. Jenisnya ada dua; kelayangan dandang bini lawan kelayangan dandang laki.