Elizabeth II matan Britania Raya

Tumatan Wikipidia basa Banjar, insiklupidia bibas
Malacung ka napigasi, gagai
Ratu Elizabeth II wayah 2007

Elizabeth II matan Britania Raya (Elizabeth Alexandra Mary, lahir 21 April 1926) adalah ratu bakuasa wan kapala nagara 16 nagara badaulat mardika nang ada di dalam alam pasamakmuran: Britania Raya, Kanada, Australia, Salandia Hanyar, Jamaika, Barbados, Bahama, Grénada, Papua Nugini, Kapulawan Sulaiman, Tuvalu, Santa Lusia, Santo Vinséntius wan Grenadina, Beliz, Antigua wan Barbuda, wan Santo Kristoforus wan Névis. Salain itu, sabagay Kapala Pasamakmuran, sidin jadi pimpinan 54 angguta Pasamakmuran Bangsa-bangsa wan, sabagay ratu Britania, sidin jadi pimpinan paningginya Garéja Inggris.

Ayahanda sidin adalah Raja George IV nang jadi raja-kaisar Kakaisaran Britania tahun 1936. Ibunda sidin Parmaisuri Elizabeth Bowes-Lyon. Elizabeth manikah lawan Pangéran Philip, anak buhan sidin ada ampat: Pangéran Charles, Puteri Anne, Pangéran Andrew, wan Pangéran Edward. Putera mahkota nang akan mangganti'akan imbah sidin kaéna turun takhta adalah anak sidin nang penuhanya, Pangéran Charles.