Bubur asura
Bubur asura adalah bubur nang diulah rahatan hidup 10 bulan muharram. Sagan manyambut Tahun Baru Islam lawan sagan rasa besyukur urang banjar olehnya dibari kasalamatan lawan Allah SWT. Bulan Muharram adalah bulan nang baharga gasan umat Islam. Bulan ngini adalah bulan pargantian tahun gsan bubuhan muslim. Rancak umat muslim mayambut bulan nang baharga ngini dengan bapuasa, lawan baulah bubur asyura.
Bubur Asyura diulah mamakai baras lawan banyu santan nang dibuati bamacam-macam sayuran lawan kacang-kacangan. Bubur Asyura rancak diulah beimbaian, nang kaya bearuhan pangantin, imbah itu diantari ke masigit lawan warga sakitar.
Sajarah[babak | babak asal-mulanya]
Ujar urang bahari, bubur asyura sudah ada mulai jaman Nabi Nuh AS lawan bubuhan pangikutnya nang baiman salamat pas banjir ganal manaiki jukung ganal. Nabi Nuh AS menyambat kekaumnya "Kumpuli barataan nang dibawa bubuhan pian!" Hbis itu sidin mandatangi (kaumnya) imbah itu menyambat: "Ambil kacang fuul (Samacam kedelai) ini saganggam, 'adas (biji-bijian) ini saganggam, baras, gandum lawan jelai (samacam tumbuhan nang bijinya/buahnya karas dibuat tasbih)".
Imbah itu Nabi Nuh menyambat: "Ulahlah/masaklah sabarataan ngini!, Niscaya buhan pian bakal sanang dalam kaadaan salamat".
Matan kajadian ngini kaum muslimin (tabiasa) maulah/mamasak biji-bijian. Matan ngini pulang, tradisi mamasak bubur asyura diulah umat muslim di barataan dunia tarutama Indunisia.[1]
Catatan Batis[babak | babak asal-mulanya]
- ^ Liputan6.com, Camelia (2023-07-27). "Sejarah Tradisi Penyajian Bubur Asyura Setiap 10 Muharram yang Sarat Makna". liputan6.com (dalam bahasa Indonesia). Diakses tanggal 2023-09-10.