Bilungka

Tumatan Wikipidia basa Banjar, insiklupidia bibas
Malacung ka napigasi, gagai
240px Bilungka
250px Bilungka
Bilungka wan sayatan balahannya

Bilungka atawa Kara'i (basa Indunisia: mentimun, Cucumis sativus L.; suku tamasuk buah Cucurbitaceae) tumbuhan nang nang kawa dimakan. Buahnya diputik sabaluman masak banar, gasan lalapan sayuran. Bilungka rajin gasan makanan urang di mana haja di dunia, banyak banyunya, rasanya sigar. Bilungka dihiris tipis-tipis, diandak di muha, kawa gasan malicinakan pipi.

Habitus bilungka sapalihan malancar di tanah, tamasuk tanaman musiman: imbah bakambang wan babuah, mati. Rarumahan kambangnya sabutingannya (monoecious), kambang laki wan hermafrodit (banci). Kambang-nya nang panambaian (umur 4-5 minggu) biasanya laki. Kambang nang pandudian cungul biasanya bancir. Sabatang tanaman rajin hasilnya 20 bigi bilungka. Lamun ukuran buahnya handak baik, batang tanamannya musti dibatasi, jangan talalu rapat.

Warna buah '''bilungka''' hijau anum wan putih kakuning-kuningan. Lamun sudah masak, warna luar buahnya ubah jadi hijau, sampai putih kalas. Buahnya panjang nang kaya torpedo. Daging buahnya hasil mesokarp, warnanya kuning pucat sampai tarang. Buah diputik wayah masih satangah masak, sabaluman bigi dalamnya kamasakan. Buah nang kamasakan biasanya karing, biginya hirang.