Abah

Tumatan Wikipidia basa Banjar, insiklupidia bibas
Malacung ka napigasi, gagai

Abah[1] atawa Ayah (BK)[1] atawa Bapa[1][2][3] atawa Rama[4] adalah kuitan lalakian saurang kanak. Tagantung raitannya lawan sang kanak, saurang "abah" dapat marupakan abah kandung (abah sacara biologis) atawa abah angkat. Sambatan "abah" jua kawa dibariakan kapada sasaurang nang sacara de facto batanggung jawab mamalihara saurang kanak maskipun antar kaduanya kada tadapat raitan rasmi.

Istilah "abah" istilah hanyar nang sabujurnya kata injaman tumatan bahasa Arab "abba', istilah lain dalam bahasa Banjar adalah "bapa". Di dalam Hikayat Banjar kadada istilah "abah" tapi dipakai "ayah" (bahasa Malayu istana). Istilah ayah masih dipakai ulih urang Banjar Kalua jua urang Banjar Balangan, tapi sudah jarang diguna'akan lagi. Pada bagian akhir Hikayat Banjar istilah ayah kada dipakai lagi, tapi nang rancak dipakai adalah rama (kata injaman bahasa Jawa istana). Papa adalah sambatan lain gasan abah dalam Inggris. Jaman kulunial Walanda, banyak urang Banjar nang manyambat abah lawan istilah papi. Panyambatan abah lawan sambatan "papa" jaman wayah ini sudah manjadi hal nang umum di masyarakat Indonésia.

Catatan batis[babak | sunting sumber]

  1. ^ a b c Abdul Jebar Hapip, Kamus Banjar Indunisia, Cetakan V - Banjarmasin, PT. Grafika Wangi Kalimantan, 2006
  2. ^ Austronesian Basic Vocabulary Database - Language: Banjarese Malay
  3. ^ Austronesian Basic Vocabulary Database Language: Melayu Brunei
  4. ^ kata Bahasa Dalam (Bahasa Istana)