Bahasa Indonésia
| Bahasa Indonésia | ||
|---|---|---|
| Dituturakan di | Indonésia, Malaysia, Timor Lésté, Brunai, Singapura | |
| Banua | Indonésia, Malaysia, Timor Lésté, Brunai, Singapura | |
| Jumlah pamandir | 17–30 juta pamandir asli total 140–220 juta |
|
| Paringkat | 56 | |
| Rumpun bahasa | Austronesia | |
| Status rasmi | ||
| Bahasa rasmi di | Indonésia | |
| Diatur ulih | Pusat Bahasa | |
| Kode-kode bahasa | ||
| ISO 639-1 | id | |
| ISO 639-2 | ind | |
| ISO 639-3 | ind | |
 Keterangan: Wilayah Bahasa Indonésia dominan dipandirakan wan sabagai bahasa rasmi. Wilayah Bahasa Indonésia dipandirakan ulih minoritas. |
||
Bahasa Indonésia adalah bahasa rasmi Ripublik Indonésia[1] wan bahasa parsatuan bangsa Indonésia[2]. Bahasa Indonésia dirasmiakan panggunaannya imbah Proklamasi Kamardikaan Indonésia, tapatnya sahari sasudahnya, basamaan lawan mulai barlakunya konstitusi. Di Timor Lésté, Bahasa Indonésia bapusisi sabagai bahasa gawi.
Matan puncu pandang linguistik, Bahasa Indonésia adalah suatu varian bahasa Malayu. Dasar nang dipakai adalah bahasa Malayu Riau matan abad ke-19. Dalam parkambangannya, inya mangalami parubahan marga panggunaanya sabagai bahasa gawi di lingkungan administrasi kolonial wan babagai parusis pambakuan tumatan panambaian abad ke-20. Pangaranan "Bahasa Indonésia" diawali tumatan dicanangkannya Sumpah pamuda, 28 Uktubir 1928, hagan manghindari kesan "imperialisme bahasa" apabila ngaran bahasa Melayu tatap digunakan.[3] Parusis ini manyababakan babidanya Bahasa Indonésia wayah ini matan varian bahasa Malayu nang diguna'akan di Riau maupun Samananjung Malaya. Hingga wayah ini, Bahasa Indonésia marupakan bahasa nang hidup, nang tarus mahasilakan kata-kata hanyar, baik malalui panciptaan maupun panyarapan matan bahasa banua wan bahasa asing.
Walaupun dipahami wan dituturakan ulih labih matan 90% warga Indonésia, Bahasa Indonésia bukanlah bahasa uma bagi kabanyakan pamandirnya. Sapalih ganal warga Indonésia mangguna'akan salah asa matan 748 bahasa nang ada di Indonésia sabagai bahasa uma.[4] Pamandir Bahasa Indonésia rancak mangguna'akan versi sahari-hari (kolokial) wan/atawa mancampuradukakan lawan dialek Malayu lainnya atawa bahasa umanya. Walaupun damikian, Bahasa Indonesia diguna'akan bangat luas di paguruan-paguruan, di media massa, sastra, parangkat lunak, surat-manyurat rasmi, wan babagai forum publik lainnya,[5] sahingga kawalah diujarakan bahua Bahasa Indonésia diguna'akan ulih sabarataan warga Indonesia.
Fonologi dan tata bahasa Bahasa Indonésia dianggap relatif mudah.[6] Pandal-pandal nang panting hagan komunikasi dasar hingkat dipalajari hanya dalam kurun waktu babarapa minggu.[7]
[babak] Referensi
 |
Wikipidia ada jua dalam Bahasa Indonésia |
- ^ Butir katalu Sumpah Pamuda, 28 Oktober 1928
- ^ Butir katalu Sumpah Pamuda, 28 Uktubir 1928
- ^ Asmadi T.D. Arti Tanggal 2 Mei bagi Bahasa Indonesia. Laman Lembaga Pers Dr. Sutomo. Edisi 08 Februari 2010. diakses 5 Maret 2010.
- ^ Depdiknas Terbitkan Peta Bahasa Blog BahasaKita 4 Maret 2009, mirror dari berita AntaraOnline edisi 22 Oktober 2008.
- ^ http://www.ohio.edu/LINGUISTICS/indonesian/index.html Why Indonesian is important to learn. Situs pengajaran bahasa Indonesia di Ohio State University.
- ^ Farber, Barry. J. How to learn any language quickly, enjoyably and on your own. Citadel Press. 1991.
- ^ Eliot, J., Bickersteth, J. Sumatra Handbook. Footprint. 2000.
