Y.S. Agus Suseno

Yusran Salman Agus Suseno atawa dipinandui bangaran Y.S. Agus Susenoa yaitu sastrawan, panulis, wan panyair tumatan Kalimantan Salatan. Sidin diranakakan 23 Agustus 1964, habis umur 12 September 2024.

Kehidupan Pamulaan

Matan halus inya mehabisakan waktunya lawan buku-buku bacaannya gasan mengawani kasunyian ditinggal lawan abah sidin wayah masih halus. Gawian ngini nang meulahnya pinandu lawan dunia sastra.

Inya mulai ketuju manulis puisi matan umur 17 tahun, yaitu sekitar awal 1980-an. Matan itu, inya manulis puisi gasan dikirimakan ke acara puisi di radio swasta. Lainpada itu, sidin jua manulis puisi gasan acara puisi Untaian Mutiara Sekitar Ilmu dan Seni (UMSIS) nang dikelola Hijaz Yamani di RRI Banjarmasin wan gasan Banjarmasin Post dalam rublik "Dahaga". Rahatan tu, sidin aktif memublikasikan karya-karyanya nangkaya puisi, cerpen, esai sastra, wan reportase seni budaya di wadah media lokal dan nasional, nangkaya Dinamika Berita, Media Masyarakat, Banjarmasin Post, Barito Post, Kalimantan Post, Swadesi, Suara Karya, Sinar Harapan, Pelita, Merdeka, Berita Buana, Bali Post, Yogya Post, Minggu Pagi, Surya, Surabaya Post, Kompas, dwimingguan Mutiara, majalah Hai, Nona, Nova, Senang, wan Cerita Remaja .

Kiprah

Puisi

Di tingkat lokal, inya suah mamanangkan Lomba Karya Tulis Kepahlawanan se-Kalimantan Salatan 1984. Sayembara Manulis Puisi nang digawi lawan Himpunan Sastrawan Indonesia (HIMSI) Kalimantan Salatan 1985, Sayembara Manulis Puisi Bebahasa Banjar dalam rangka Hari Jadi kuta Banjarmasin ke-462 rahatan 1988, Lomba Syair UMSIS RRI Banjarmasin pada 1989, wan Sayembara Menulis Puisi Berbahasa Banjar dalam rangka Hari Jadi Kuta Banjarmasin ke-464 (1990).