Warsito Purwo Taruno

Warsito Purwo Taruno (diranakkan 15 Mai 1967) ialah panamu matan Indunesia. Inya dipinandui barakat inuvasi kutang nang kawa mamarangi sel kanker mamakai listrik begana. Inya jua mandiriakan lawan mamimpin parusahaan CTech Edwar Technology gasan mamfasilitasi panamuannya. Dr. Warsito umpat mandirikan urganisasi bangaran Masyarakat Ilmuwan dan Teknologi Indonesia (MITI). Matan tahun 2005, inya nang didaulat manjadi Katua Umum MITI, sudah mambangun jaringan MITI di samunyaan Indunisia lawan luar nagari tautama MITI-Klaster Mahasiswa di kada kurang sampai 50 kampus di 26 pruvinsi di samunyaan Indunisia.

Kahidupan pribadi

Anak ka anam matan dalapan badingsanak ngini diranakakan di Solo, Jawa Tangah. Inya lulus matan SMA Negeri 1 Karanganyar, Solo tikas tahun 1986, imbah nitu malanjutakan belajar Strata Awal nya di Japang lawan dapat galar B.Eng., Dept. of Chemical Engineering, di Shizuoka University, Jepang matan tahun 1992. Dua tahun imbah nitu Warsito manamatkan studi Magister nya di Dept. of Chemical Engineering, Shizuoka University, Japan tikas tahun 1994, lawan bagalar DR.Eng, di Dept. of Applied Electronics, Graduate School of Electronic Science and Technology, Shizuoka University, Japan, lawan judul Disertasi: “Ultrasonic Tomography for Analyzing the Hydrodynamics of Three-Phase Flow Systems” tikas tahun 1997.

Panamuan ECVT

Imbah sidin manuntungakan pandidikannya, Warsito mangambangkan Center for Tomography Research Laboratory (CTECH Labs) Edwar Technology, pusat riset lawan pruduksi sistim tomografi 4D nang barpusat di Tangerang, Banten. Pas tahun 2004, risetnya manghasilkan prututipe. Tiknologi ngitu kamudian dipatenkan di Amerika Serikat matan Lambaga Paten Internasional PTO/WO bernomor 60/664,026 tahun 2005 dan 60/760,529 tahun 2006. Kada seperti CT Scan dan MRI, ECVT mamungkinkan pasien gasan kada parlu masuk ka dalam tabung saparti alat MRI nang hanya manampaiakan gambar dua diminsi. Lawan tiknologi ngini, pamindaian kawa dilakukan matan luar, tanpa manjapai ubjek bahkan ubjek skala nano lawan ubjek nang bargarak lawan kacapatan tinggi kawa talihat.

Dalam pangambangannya, manurut pangakuan Warsito Purwo Taruno, tiknologi ECVT sudah dikakui bahkan dipakai lambaga antariksa Amerika (NASA), Exxon Mobil, BP Oil, Shell (perusahaan), Conoco Phillips, Dow Chemical, Mistubishi Kimia tamasuk Departemen Energi AS (Morgantown National Laboratory). Sadangkan di Indonesia pun, tiknologi ngini digunaakan gasan pamindaian tabung gas bartakanan tinggi, misalnya kandaraan babahan bakar gas, Bus Transjakarta.

Penemuan ECCT

ECCT (electrical capacitive cancer therapy) adalah sabuting alat tarapi kanker manggunaakan listrik diam bartanaga liwar rendeh. Sumber daya nya hanya manggunaakan dua buah baterai ukuran AA 1,5 volt (Paten Indonesia dan Internasional, 2012). Sistim gawinya liwan sadarhana, nyangitu maalirkan galumbang listrik diam gasan manghancurkan sil kanker katika handak mambalah. Aliran listrik ngitu dialirakan liwat apparel, babantuk rumpi gasan kanker payudara lawan karungkungan. Sadangkan gasan kanker utak babantuk hilim sarta salimut gasan leukemia. Sil kanker nang talah mati kamudian dibuang malalui prusis ekskresi, baik malalui karingat, banyu kamis, tahi maupun kantut.