Urang Dayak Ngaju

Urang Dayak Ngaju (Biaju) ialah urang asli nang bagana di prupinsi Kalimantan Tangah, Indunisia. Urang Ngaju ialah sub urang Dayak nang pangganalnya di Kalimantan Tangah nang cukup luas wan utamanya terkonsentrasi di dairah Kota Palangka Raya, Kabupatin Pulang Pisau, Kabupatin Gunung Mas, Kabupatén Kapuas wan di kabupatin lain di saluruh wilayah Kalimantan Tangah kawa ditamuakan Urang Ngaju. Urang Ngaju sacara administratif marupakan bubuhan urang hanyar nang cungul wayah cacah jiwa 2000 wan marupakan 27,3% matan panduduk Kalimantan Tangah, tagal Urang Ngaju dimasukakan ka dalam Urang Dayak wayah cacah jiwa 2010.[1]
Manurut cacah jiwa nang diulah lawan Badan Pusat Statistik RI wayah 2000, urang Ngaju (Dayak Ngaju) tarikin 324.504 ikung atawa 0,16% matan panduduk Indunisia wayah nitu. Wayah cacah jiwa tahun 2000, Dayak Ngaju dirikin tapisah lawan Urang Dayak Katingan wan Urang Dayak Bakumpai.
Tiba ngaran
[babak | babak asal-mulanya]
Ngaju baarti udik atawa hulu.[2] Urang Ngaju kabanyakan bagana di dairah aliran sungai Kapuas, Kahayan, Rungan Manuhing, Barito, wan Katingan bahkan ada juwa nang bagana di wilayah Kalimantan Salatan.
Urang Dayak Ngaju nang kita pinandui damini, dalam sastra di jaman bahari disambat lawan ngaran Biaju. Kuyaan Biaju dipakai gasan mangarani bubuhan urang, sungai, wilayah wan cara hidup (Ras 1968: 336). Manurut Hikayat Banjar, Sungai Kahayan wan Kapuas damini disambat lawan ngaran sungai Biaju, yaitu Batang Biaju Basar, wan Batang Biajo Kecil. Urang nan bagana di dalamnya disambat lawan urang nang bapakaian ganal, sarato urang, nan bapakai ketek. Dimana sungai Murong (Kapuas-Murong) wahini disambat lawan ngaran Batang Petak (lihat Ras 1968: 314). Pulau Petak nang marupakan wadah pamukiman urang Ngaju disambat Biaju (Ras 1968: 408, 449).[3]