Urang Dayak Maanyan Warukin

Urang Dayak Maanyan Warukin nang rancak disambat Dayak Warukin ialah subetnis suku Dayak Maanyan nang bagana di dusun Warukin, Haus, lawan sakitarnya di Kabupatin Tabalong, Kalimantan Salatan. Pamukiman Dayak Warukin ada di dalam wilayah kantong/enclave nang di sakitarnya ialah daerah pamukiman suku Banjar.

Dayak Warukin di kampung Warukin, Kecamatan Tanta, Tabalong ialah palihan matan Maanyan Banua Lima. Maanyan Banua Lima ialah subetnis Maanyan nang ada di kacamatan Banua Lima, Barito Timur. Ngaran asalnya Maanyan Paju Lima. Istilah "banua" baasal matan Bahasa Banjar.

Upacara adat rukun kamatian Kaharingan Dayak Warukin disambat mambatur. Istilah ngini disubetnis Maanyan Benua Lima umumnya disambat marabia. Kekawanan bahasa Maanyan Warukin lawan bahasa Banjar Kuala Lupak (Banjar Kuala) sakitar 50%. Kekawanan bahasa Maanyan Warukin lawan bahasa Banjar Asam-Asam sakitar 57%.

Di Kabupatin Tabalong tabagi jadi ampat wilayah keadatan Dayak, salah sabuting di antaranya wilayah keadatan Dayak Ma'anyan yaitu:

• Kawasan kahadatan Dayak Maanyan di desa Warukin
• Kawasan kahadatan Dayak Deyah Kampung Sepuluh, maliputi sapuluh desa di kecamatan Upau, Haruai, Bintang Ara.
• Wilayah kapadatan Dayak Deyah Muara Uya wan Jaro.
• Daerah kapadatan Dayak Lawangan di desa Binjai.

Di luar ampat daerah-daerah keadatan Dayak Kabupaten Tabalong nang sudah disambat di atas, ada jua suku Banjar nang mayoritas populasi urang Tabalong lawan suku Banjar nang kada taikat lawan Hukum Adat Dayak.