Urang Dayak Barangas
Urang Dayak Bara Ngas (urang Barangas) atawa Bara-ki marupakan sub etnis Dayak Bakumpai nang baagama Islam nang suah mangganai sapalih hilir Sungai Barito, utamanya di desa Barangas Timur, Kabupatin Barito Kuala, Prupinsi Kalimantan Salatan, sawagai pusatnya.[1] Sacara rasmi, kadada ngaran suku ngini di dalam sensus tahun 2000 nang digawi ulih Biro Pusat Statistik. Urang Barangas kawa diumpatakan sawagai danul matan Suku Dayak Bakumpai lamun diitihi matan asal usul wan kamiripan basanya. Tagal, bujurnya basa Barangas hudah disambat punah[2] wan suku ngini baasimilasi lawan tatangga paraknya, yaitu urang Banjar Kuala nang badiam di Kuta Banjarmasin.
Basa Barangas
[babak | babak asal-mulanya]Basa Barangas (Basa Bara Ngas) adalah basa Austronesia nang suah dipakai di sapalih hilir Sungai Barito, Kalimantan Salatan. Dairah-dairah panutur basa Barangas nang hudah punah, antara lain:
- Barangas
- Belandean (Ujung Panti)
- Tabunganen
- Sungai Teras
- Sungai Tandipah
- Jelapat
- Sungai Puduk
- Sungai Takuluk
- Aluh Aluh.
Bahari tadapat juwa di Mendawai, Arut Salatan, Kotawaringin Barat, wan Mendawai, Katingan, wan Sungai Seruyan.[3] Basa Barangas dituturkan ulih urang-urang nang dikira dahulu baasal matan Belandean,[4] jadi basa ngini rakat taraitannya lawan basa Bakumpai (bkr).[5]
Jujuhutan
[babak | babak asal-mulanya]- ↑ Riwut, Tjilik; Riwut, Nila (2007). Kalimantan membangun, alam, dan kebudayaan (edisi ke-Cet. 2). Sleman, Yogyakarta: NR Pub. ISBN 978-979-23-9952-3.
- ↑ (Bahasa Indonesia) Dua Bahasa di Kalsel Punah
- ↑ Struktur bahasa Barangas (dalam bahasa Indonesia). Pusat Pembinaan dan Pengembangan Bahasa, Departemen Pendidikan dan Kebudayaan. 1984.
- ↑ "Salinan arsip". Diarsipkan dari versi asli tanggal 2014-10-06. Diakses tanggal 2014-10-03.
- ↑ (Bahasa Indonesia) Hapip, Abdul Djebar (1984). Struktur bahasa Barangas. Pusat Pembinaan dan Pengembangan Bahasa, Departemen Pendidikan dan Kebudayaan.
Pranala luar
[babak | babak asal-mulanya]- (Bahasa Inggris) Lokasi Desa Barangas