Capil ka isi

Umrah

Tambah interwiki
Tumatan Wikipidia Banjar, kindai pangatahuan

Umrah (bahasa Arab: عمرة‎) ialah gawian ibadah nang ada dalam agama Islam. Umrah ngini mirip wan ibadah haji. Ibadah umrah ngini dilakukan ritualnya di kuta suci Makkah, yaitu di Masjidil Haram.[1] Umrah ngini rancak jua disambat Haji Kecil.[2] Dalam fikih, umrah ngini dilakuakan matan niat wan baihram matan di mikat, imbah itu manggawi tawaf wan sai antara Safa wan Marwah.[1]

Haji wan umrah ngini ada parbidaan waktu wan wadah malakuakannya. Umrah kawa digawi sapanjang waktu. Haji kada kawa, karna haji hanyar kawa digawi pas musim haji haja, matan Syawal hinggan Dzulhijjah. Haji jua ada ritual nang digawi di luar kota Makkah.[3] Nabi Muhammad Saw. suah manyambat umrah di bulan Ramadan ngitu pahalanya sama lawan haji.[4]

Syarat, Wajib, wan Rukun Umrah

[babak | babak asal-mulanya]

Dalam manggawi umrah, wan jua haji, ada syarat, wajib, wan rukun nang parlu dipanuhi wan digawi.

  • Keterangan:
  1. Maninggalakan rukun, maka umrahnya kada sempurna wan wajib diulang kena
  2. Tatinggal wajib, umrahnya sah wan kasalahan ngitu kawa diganti wan DAM
  3. Syarat umrah ngini harus digawi dahulu sabalum manggawi umrah

Syarat Umrah

[babak | babak asal-mulanya]

Syarat sagan manggawi umrah ngitu sama haja lawan nang manggawi haji, yaitu:[5]

  1. Baagama Islam
  2. Baligh atawa cukup umur, wan baakal ialah kada gila atawa pikun
  3. Mardika atawa kada jadi budak urang
  4. Baisi kamampuan atawa kawa manggawi, nang kaya baisi duitnya wan baisi atawa kawa tulak bakandaraan
  5. Sagan binian, ada baisi mahram atawa kaluwarga nang mangawani tulak.

Wajib Umrah

[babak | babak asal-mulanya]

Ada dua nang jadi wajib umrah, ialah:[1]

  1. Mamakai ihram di atawa sabalum sampai Mikat
  2. Tahallul ialah manggunting sabahagian atawa manggundul rambut di kapala

Rukun Umrah

[babak | babak asal-mulanya]

Rukun umrah ialah:[5]

  1. Ihram
  2. Tawaf
  3. Sa'i
  4. Tahallul atawa manggunting rambut kapala

Umrah di buhan Indunusia

[babak | babak asal-mulanya]

Indunusia ngini dikanal urang sabagai nagara muslim nang paling ganal, ujar sampai 80% masyarakat Indunusia ngini baagama Islam. Sabahagian buhan Indunusia ngini handak manggawi umrah ka Masjidil Haram di Arab Saudi mamakai travel umrah. Wayah ini ada jua nang tulak umrah ngini surangan atawa mandiri. Travel umrah ngini parusahaan nang manyiapakan hutil, pasawat, hinggan bis di Arab Saudi, di Makkah wan Madinah.[6] Buhan travel umrah biasanya sudah basapakat lawan hutil di parak Masjidil Haram sagan manyamanakan buhan jamaah umrah sagan baibadah.[7] Buhan umat Islam tulak umrah ada nang maambil 9 sampai 30 hari bulang bulik. Banyaknya buhan Indunusia nang tulak umrah ngini sampai 1,3 juta urang di tahun 2021.[8]

Umrah di buhan Banjar

[babak | babak asal-mulanya]

Buhan Banjar ngini disambat rancak tulak umrah. Angka keberangkatan umrah di buhan Banjar ngitu sampai 60 ribu orang setiap tahun.[9] Banyaknya nang tulak umrah ngini disambat ulih banyak travel umrah disababakan lawasnya mahadang tulak haji nang sampai 36 tahun labih.[10]

Jajuhutan

[babak | babak asal-mulanya]
  1. 1 2 3 "Buku Panduan Manasik Haji & Umrah". pustakaimamsyafii.com (dalam bahasa Inggris). Diakses tanggal 2026-02-20.
  2. ↑ Liputan6.com (2023-04-03). "Haji Kecil adalah Nama Lain dari Umrah, Katahui Perdedaannya dengan Haji Besar". liputan6.com (dalam bahasa Indonesia). Diakses tanggal 2026-02-20.
  3. ↑ Liputan6.com (2019-01-17). "Tata Cara Umroh dan Bacaannya, Wajib Tahu Sebelum Berangkat ke Tanah Suci". liputan6.com (dalam bahasa Indonesia). Diakses tanggal 2026-02-20.
  4. ↑ "Sahih al-Bukhari 1782 - `Umrah (Minor pilgrimage) - كتاب العمرة - Sunnah.com - Sayings and Teachings of Prophet Muhammad (صلى الله عليه و سلم)". sunnah.com. Diakses tanggal 2026-02-20.
  5. 1 2 Asy'ari, KH Muhammad Hasyim. Inti Fiqih Haji dan 'Umrah: Terjemah Kitab al-Manasik al-Shughra li Qashid Umm al-Qura karya KH. Hasyim Asy'ari (dalam bahasa Indonesia). Genius Media Malang. ISBN 978-602-14421-1-1.
  6. ↑ Moh. Isbat Alfan Ghoffari, NIM : 21205031062 (2023-08-09). KOMODIFIKASI HADIS UMRAH DALAM TREN TURISME SPIRITUAL DI PAMEKASAN (Tesis) (dalam bahasa Indonesia). UIN SUNAN KALIJAGA YOGYAKARTA.
  7. ↑ Wan Khairul Aiman Wan Mokhtar; Dewi, Subkhani Kusuma; Muhammed Sahrin bin Haji Masri; Baharun, Hasan; Fawaid, Achmad (2024-08-26). "Many Roads to Mecca: The Controversy of Safarwadi Cave Pilgrimage in the Local Muslims". IAS Journal of Localities (dalam bahasa Inggris). 2 (2). ISSN 3026-2879.
  8. ↑ HIMPUH. "Indonesia Kirim 1,3 Juta Jemaah Umrah pada 2023, Paling Banyak dari Provinsi Jawa Barat!". HIMPUH. Diakses tanggal 2026-02-22.
  9. ↑ Agency, ANTARA News. "Kemenag: Keberangkatan umrah di Kalsel capai 60 ribu orang pertahun". ANTARA News Kalimantan Selatan. Diakses tanggal 2026-02-22.
  10. ↑ Agency, ANTARA News. "Daftar tunggu haji Kalsel capai 131 ribu dengan antri berangkat 36 tahun". ANTARA News Kalimantan Selatan. Diakses tanggal 2026-02-22.
Dijumput matan "https://bjn.wikipedia.org/w/index.php?title=Umrah&oldid=109226"