Tumbung:''Habar Banua Banjar''

Tumatan Wikipidia basa Banjar, insiklupidia bibas
Loncat ke navigasi Loncat ke pencarian

ARUH ADAT BALIAN DI BATU LASUNG

TVRI Kalsel, Kotabaru -- Warga Dayak di Batu Lasung, Kacamatan Kalumpang Hulu, Kabupaten Kotabaru, manggawi aruh adat balian wan batulak bala, sakira urang kampung salamatan sabarataan. Sakira nahap, masyarakat adat Dayak Batu Lasung manyarui suku lain, bubuhan Bugis, Batak, Bali, Madura wan Jawa nang bagana di Kabupaten Tanah Bumbu.

Yadi, mawakili Kapala Adat, baucap, ni sahibar tanda, di Batu Lasung ada jua masyarakat adat Dayak-nya. Inya handak, Aliansi Masyarakat Adat Nusantara (AMAN) Kabupaten Kotabaru maharagu aruh adat ni, jangan sawat hilang. AMAN Kabupaten Tanah Bumbu musti rakat mupakat jua lawan suku lain, sakira akur sabarataan.

Bubuhan AMAN Kotabaru, Jufriansyah, bapadah, bubuhannya cagar maharagu aruh adat di Batu Lasungni, sakira urang tahuan sabarataan. Aruh adat balian wan batulak bala ni musti ada tatarusan.

Jufriansyah tagas manangati urang bakakinuman, bamaukan wan main duit rahat aruh adat. Inya handak, masyarakat adat di lain barakat-rakat, sagan kabaikan sabarataan. Kakurangan nang ada wayah aruh adat ni hingkat sagan pangalaman tahun dudi. (*) [ysas]

(“Habar Banua”, TVRI Kalimantan Selatan, Banjarmasin. Siaran Ahad, 7 Maret 2013, Pukul 5 kamarian. Arja, TVRI Kalimantan Selatan, mahabarakan.)


[[Tumbung:UN TAHUN INI LIWAR CAMUHNYA

TVRI Kalsel, Banjarmasin -- Banyak nang manyambat, Ujian Nasiunal (UN) tahun ini liwar camuhnya. Urang sa-Indunisiaan abut mamandirakan UN SMA/MA wan SMK nang taundur. Kalimantan Selatan tamasuk sablas pupinsi di Indunisia nang UN-nya diundur Mantri Pandidikan wan Kabudayaan RI.

UN mustinya hari Sanayan, 18 April 2013, tagal diundur ka hari Kamis, 18 April 2013. Surat matan Balitbang Kamandikbud RI nang ditarima Dinas Pandidikan Prupinsi Kalimantan Selatan baalasan, UN diundur marga naskah ujiannya talambat mangirim.

Puhun gawi UN Prupinsi Kalimantan Selatan, Amka, baucap, bujur sudah basiap, tagal kita di banua kada kawa baapa-apa. Amka sudah tuhuk jua bacucuk buku lawan pamarintah pusat, kada gagampangan mangirim naskah ujian ka sakulahan nang andakannya di unjut banua.

Sudah tanggalnya diundur, waktu ujiannya sawat taundur jua ba-jam-jam, marga naskahnya kadada, kurang, atawa lambat sampai di sakulahan. Kada tikas situ haja camuhnya. Banyak sakulahan nang kakurangan naskah ujian, atawa naskahnya tahurup lawan sakulahan lain di banua lain. (*) [ysas]

(“Habar Banua”, TVRI Kalimantan Selatan. Siaran Ahad, 21 April 2013, Pukul 5 kamarian. Ibnu Fatih, Wawan Himawan, TVRI Kalimantan Selatan, mahabarakan.)]]


[[Tumbung:BAGANDAKAN DI TAMAN KIJANG KENCANA PELAIHARI

TVRI Kalsel, Pelaihari -- Bubuhan Satpol PP Kabupatin Tanah Laut manangkap urang nang bakakinuman bamaukan wan pasangan nang bagandakan di Taman Kijang Kencana, Pelaihari. Matan anam ikung warga nang ditangkap di balakang GOR Pelaihari, ada dua bibinian nang bapadah kada tahu wan kada umpat nginum.

Satpol PP sawat jua manangkap pasangan nang bagandakan, padahal kaduanya sudah balaki babini. Kaduanya sudah lawas diintai kulawarganya wan warga nang bagana parak Taman Kijang Kencana. Taman Kijang Kencana rahat dipakai urang sagan wadah bagandakan.

Wayah handak ditangkap bubuhan Satpol PP, pasangan nang bagandakan tu sawat bukah kada katanahan. Imbah ditakuni bahimat, ayungannya kaduanya mangaku jua. (*) [ysas]

(“Habar Banua”, TVRI kalimantan Selatan, Banjarmasin. Siaran Ahad, 21 April 2013, Pukul 5 kamarian. Dedet Achmad Junaidi, Pelaihari, TVRI kalimantan Selatan, mahabarakan.)]]


[[Tumbung:BAWANG HABANG WAN LUMBUK PARAWIT LARANG

TVRI Kalsel, Banjarmasin -- Di Pasar Antasari atawa Pasar Hanyar, Banjarmasin, haraga bawang habang masih larang, matan 47 ribu inggan 48 ribu sakilu. Ujar bubuhan padagang, di agen haraganya sudah 38 ribu sakilu. Lamun bawang putih, haraganya sudah turun.

Kada bawang habang haja nang larang. Lumbuk parawit larang jua, matan 50 ribu inggan 60 ribu sakilu. Lamunnya lumbuk ganal, haraganya salawi ribu haja sakilu. Ujar bubuhan padagang, haraga lumbuk parawit nang larang ni marga musim. Banyak kabun lumbuk tarandam, rusak dapatnya banyu ba’ah.

Nang badagang rarampahan, Wati, bapadah, haraga bawang habang wan lumbuk parawit nang larang ni maulah bubuhan padagang pusang jua. Ujarnya, rajin inya bamudal 300 ribu haja, wayah ini 800 ribu labih. Wati maharap, pamarintah mambantu manurunakan haraga bawang habang wan lumbuk parawit ni.

Haraga bawang habang wan lumbuk parawit nang larang ni mangurangi kulihan bubuhan padagang. Urang nang manukar takurang. (*) [ysas]

(“Habar Banua” TVRI Kalimantan Selatan, Banjarmasin. Siaran Ahad, 21 April 2013, Pukul 5 kamarian. Ten Umaiyah, TVRI Kalimantan Selatan, mahabarakan.)]]

testing

Tungkaran dalam tumbung "''Habar Banua Banjar''"

Tumbung ngini baisi 1 tungkaran, tumatan jumlah 1.