Tugu Pahlawan Amuntai
 | Artikal ini kada baisi kategori/tumbung atawa baisi kategori/tumbung sadikit banar. Ganii lawan cara manambahi kategori/tumbung nang sasuai. Janaki artikal nang sahuaran gasan manantuakan apa kategori/tumbung nang sasuai. Tulung ganii Wikipidia gasan manambahakan kategori/tumbung. Tag ini diandak wayah kategori masih kurang. |
Tugu Pahlawan Amuntai (rancak jua disambat tugu Parjuangan Rakyat HSU) andaknya di Jalan Basuki Rahmat, Kalurahan Murung Sari, Kacamatan Amuntai Tangah, Kabupatin Hulu Sungai Utara (HSU), Prupinsi Kalimantan Selatan. Tihang utamanya badiri di tangah lawan dikulilingi tawing baukiran sajarah pahlawan zaman bahari. Kagunaannya gasan mangganang jasa buhan pahlawan lokal, sakalian jadi wadah pambalajaran gasan kakanakan lawan masyarakat.
Bantuk & Ukiran
[babak | babak asal-mulanya]Tihang utamanya kaya hulu roket, dibalut bambu runcing, tumbuh di atas bunga taratai. Di tugu batulisan "Bangsa yang Besar Ialah Bangsa yang Tahu Menghargai Jasa Pahlawan".
Di tawing kandang nang babantuk huruf "U" mangulilingi tugu, ada ukiran nang manampaiakan parjalanan bangsa Indonesia rahat marabut kamardikaan.
Di ukiran ngintu, taukir papadahan ulih Presiden kadua RI, HM Soeharto. Ujarnya, "Mari kita membangun masyarakat yang adil dan makmur berdasarkan Pancasila dan Undang -Undang 1945". Di bawahnya, taukir papadahan ulih Gubernur Kalsel M. Said, "Teruskan cita-cita, semangat juang, dan nilai-nilai 45 untuk membangun negara dan kesejahteraan rakyat".[1]
Sajarah Diulah & Dibaiki
[babak | babak asal-mulanya]Pamarhati sajarah lokal Kota Amuntai, Dharma Setiawan manyambat, tugu ngini sudah ada matan awal kamardikaan. Imbahnya, dibaiki rahat zaman Bupati Ardansyah Fama nang manjabat rahat 1982-1987 lawan 1987-1992. Imbahnya tugu ngini dirasmiakan ulih Gubernur Kalimantan Selatan, nang bangaran M. Said.
"Bahari adanya tugu haja, baluman ada tawing rukiran ngintu," ujar Dharma ka Radar Banjarmasin, Senin (27/2).
Tawing ngini kada bantuk gambar haja, ada jua kisah parjuangan warga HSU dar tahun 1858. Ada sapalih tawing nang mangisahakan kisah Garpindom atawa nang kita tahu lawan Garakan Palapasan Masyarakat Indonesia. Ada jua ukiran nang mangisahakan Kongres Oemat Islam di Amoentai rahat 15 Juni 1947, lawan banyak lagi kisah nang lain.[2]
Referensi
[babak | babak asal-mulanya]- ↑ Syarifuddin, M. "Belajar Sejarah dari Relief Tugu Amuntai - Radar Banjarmasin". Belajar Sejarah dari Relief Tugu Amuntai - Radar Banjarmasin (dalam bahasa Indonesia). Diakses tanggal 2025-11-09.
- ↑ "KalselPedia : Ada Relief Perjuangan, Tugu Pahlawan di HSU Ini Bisa Jadi Wahana Edukasi Sejarah". Banjarmasinpost.co.id (dalam bahasa Indonesia). Diakses tanggal 2025-11-09.