Tugu Nol Kilometer Banjarbaru

Tugu Nol Kilometer Banjarbaru
Tugu Nol Kilometer Banjarbaru
Maklumat umum
Andakan	Jl Ahmad Yani Km 34,5, Kota Banjarbaru, Kalimantan Selatan, Kode Pos 70724

Tugu Nol Kilometer Banjarbaru iyaitu sabuah munumin pananda titik pusat Kuta Banjarbaru, Kalimantan salatan, Indunisia. Baandak di Jalan Ahmad Yani Km 34,5, tugu ngini dirasmiakan tanggal 29 Disimbir 2023 ulih Wali Kuta Banjarbaru, H. M. Aditya Mufti Ariffin. Munumin ngini kada cuma bapungsi gasan jadi pananda titik nul giugrapis, tapi jua gasan jadi simbul kuta wan pangingat sajarah tabantuknya Banjarbaru.^[1]^[2]

Sajarah

Tugu ngini diulah atas kahandak Pamarintah Kuta Banjarbaru gasan manguati ciri kuta imbah sudah ditatapakan jadi ibu kuta Prupinsi Kalimantan Salatan nang hanyar. Parasmiannya mahadirakan tukuh-tukuh wan saksi sajarah nang suah taumpat rahat bamula tabantuknya kuta Banjarbaru. Tugu ngini jadi simbul mula pambangunan wan titik wadah utama gasan pambangunan wilayah Banjarbaru.^[1]^[2]

Disain Bangunan

Tugu Titik Nol Kilometer Banjarbaru baisi disain has nang manggabungakan unsur budaya lukal wan pilusupi sajarah. Urnamin utama nang dipakai barupa daun bangkal, tanaman has nang jadi ciri Banjarbaru. Ada jua struktur babantuk lurung waktu, malambangakan parjalanan sajarah kuta matan masa lalu ka masa nang cagar datang. Disain ngini disusun gasan mawakili kaanikaragaman Banjarbaru nang jadi kuta mudirin nang tatap manjunjung tinggi akar sajarah wan budaya lukal.^[3]

Munumin ngini diulah di atas lahan saluas 327 m parsagi wan dirancang gasan jadi ruang publik tabuka nang kawa ditangi masyarakat.^[4]

Kagunaan

Tugu ngini baisi babapara pungsi nang kaya:^[2]^[4]

Gasan jadi pananda giugrapis titik pusat Kuta Banjarbaru.
Gasan jadi simbul kuta nang mamparkuat ciri kuta Banjarbaru nang jadi ibu kuta prupinsi.
Gasan jadi pangingat sajarah wan warisan parjuangan bubuhan pandiri kuta.
Gasan jadi ruang publik warga basantai wan bakumpulan.

Jujuhutan

1 2 "Tugu Nol Kilometer, Ikon Baru Kota Banjarbaru". mediakita.co.id (dalam bahasa Inggris). Diakses tanggal 2025-04-07. ^{[permanent dead link]}
1 2 3 Zakiri, M. Fadlan. "Tugu Nol Km Banjarbaru, Sebagai Ikon dan Pengingat Sejarah - Radar Banjarmasin". Tugu Nol Km Banjarbaru, Sebagai Ikon dan Pengingat Sejarah - Radar Banjarmasin (dalam bahasa Indonesia). Diakses tanggal 2025-04-07.
↑ "Dinas Pekerjaan Umum dan Penataan Ruang Kota Banjarbaru - Tugu Titik Nol Kilometer Banjarbaru Secara Resmi menjadi Ikon Ibu Kota Kalimantan Selatan". dispupr.banjarbarukota.go.id. Diakses tanggal 2025-04-07.
1 2 Kompasiana.com (2024-01-04). "Ramai Dikunjungi, Tugu Titik Nol Banjarbaru". KOMPASIANA (dalam bahasa Indonesia). Diakses tanggal 2025-04-07.

[:0-1] 1 2 "Tugu Nol Kilometer, Ikon Baru Kota Banjarbaru". mediakita.co.id (dalam bahasa Inggris). Diakses tanggal 2025-04-07. ^{[permanent dead link]}

[:1-2] 1 2 3 Zakiri, M. Fadlan. "Tugu Nol Km Banjarbaru, Sebagai Ikon dan Pengingat Sejarah - Radar Banjarmasin". Tugu Nol Km Banjarbaru, Sebagai Ikon dan Pengingat Sejarah - Radar Banjarmasin (dalam bahasa Indonesia). Diakses tanggal 2025-04-07.

[3] "Dinas Pekerjaan Umum dan Penataan Ruang Kota Banjarbaru - Tugu Titik Nol Kilometer Banjarbaru Secara Resmi menjadi Ikon Ibu Kota Kalimantan Selatan". dispupr.banjarbarukota.go.id. Diakses tanggal 2025-04-07.

[:2-4] 1 2 Kompasiana.com (2024-01-04). "Ramai Dikunjungi, Tugu Titik Nol Banjarbaru". KOMPASIANA (dalam bahasa Indonesia). Diakses tanggal 2025-04-07.

[1]

[2]

[3]

[4]