Tiwah

Tiwah, atawa Tiwah Lale, dipinandui jua lawan magah salumpuk liau uluh matei adalah upacara kamatian dalam agama Kaharingan nang diulah ulih suku Dayak Ngaju wan jua sub-suku Dayak lainnya di Kalimantan nang masih ma'anut agama Kaharingan, khususnya di Kalimantan Tangah.

Upacara ini batujuan gasan manyampaiakan jiwa atawa roh manusia nang sudah maninggal dunia ka wadah nang abadi yaitu Lewu atawa Dia Rumpang Tulang, Rundung Raja Dia Kamalesu Uhate, Lewu atawa Habaras Bulau, Habusung Hintan, Hakarangan Lamiang atawa Lewu Liau nang baandak di langit katujuh. Pada tahun 2014, upacara Tiwah sudah dimasukakan ka dalam panatapan Warisan Budaya Takbenda Indonesia nang digawi ulih Kementerian Pendidikan dan Kebudayaan

Upacara Tiwah dilakuakan kapada urang atawa angguta kaluarga nang sudah lawas maninggal wan sudah lawas dikubur lawan umur makam kawa 7-10 tahun lawasnya marga nang diparluakan dalam ritual Tiwah adalah tulang-tulang urang nang sudah maninggal. Imbah manunggu lawas, kuburannya kawa digali, imbah itu dilakukan macam-macam ritual, wan akhirnya tulang-tulangnya ditaruh ka dalam "Sandung" atawa "Pambak".