Tih tarik
Tih Tarik[1][2] ialah salah sabuting minuman manis has masarakat Malayu nang barupa campuran tih wan susu nang rancak ditamui di dairah Asia Tanggara[3], hususnya Malaysia, Singapura, Thailand, wan Indunisia.[4][5]
Minuman tih tarik karancakannya dijual ulih urang-urang Hindia Malaysia di Malaysia, wan urang Hindia Singapura di Singapura, nang dijadii sawagai minuman nasiunal nagara ngitu. Di Indunisia, minuman ngini ditamui di babarapa tampat di Indunisia, yaitu Riau, Kapulauan Riau, Sumatera Utara, wan Aceh nang manyambatnya sawagai teh tarek.
Istilah Tih Tarik
[babak | babak asal-mulanya]Tih tarik nang baarti tih nang ditarik[4][6], karana kaitu jua nang digawi parajin tih di tuku Hindia wayah maulah minuman tih tarik. Tih wan susu dituangakan liwat udara antara dua cangkir, batarusan sampai tikstur babusa banar. Paulah tih tarik nang mahir kaya seniman, kada suah manumpahakan satitis jua tih nang lagi diulahnya.[7] Labih matan sakadar kamahiran mamainakan partunjukan wan tradisi, manuangakan tih tarik liwat udara baarti gasan mandinginakan tih wan mahasilakan lapisan babusa di parmukaan minuman.
Tih tarik diulah matan parpaduan tih hirang nang disaduh likat lawan susu kantal manis, mahasilakan cita rasa manis wan gurih nang has. Minuman ngini dituangakan matan sagalas ka galas lain (dilimpar-limpar).[8] Tiknik ngini kada maulah busa lambut di parmukaan haja, tapi jua mambantu mancampurakan tih wan susu sacara marata sampai mahasilakan tikstur minuman nang labih halus. Dalam prusis panarikan ngini, kandungannya jadi likat banar wan arumanya kaluar. Salain ngitu, prusis panarikan jua mambantu mandinginakan suhu minuman wan mambarii lapisan busa lambut danul atasnya nang tabantuk karana kandungan gula dalam banyu tih.[4][5][9]
Tih tarik wan tih es marupakan minuman nang banyak dijual di rumah makan bubuhan uma[10], wan rancaknya diminum lawan hidangan, kaya nasi lamak, ruti canai, ruti hintalu, atawa ruti tampayan. Bubuk tih nang dijual kiluan rancak dipakai gasan maulah tih tarik. Imbah disaduh, tih disaring lawan kain kasa wan dicampur lawan susu kantal manis.
Sajarah
[babak | babak asal-mulanya]Ujar pamarintah Singapura, tih tarik ngini kawa digagai matan asal imigran Muslim[11] Hindia di Samananjung Malaya nang mandiriakan warung minuman[12] nang manyurungakan masala chai wayah 1870-an di lawang masuk parkabunan gatah gasan malayani bubuhan urang bagawian di sana.[13] Imbah Parang Dunia II[1], bubuhan padagang ngini karana baalasan ikunumi baalih mamakai dabu tih, nang rasanya pahit, wan manambahakan susu kantal manis gasan manutupi rasa pahitnya, sampai tacipta tih tarik. Singapura wan Malaysia, nang bapisah wayah 1965, kaduanya mangklaim sawagai makanan has dairahnya saurang. Malaysia manuminasikannya lawan nasi lamak wan ruti canai gasan pangakuan Pasarikatan Bangsa-Bangsa wayah 2024 sawagai makanan warisan budaya kada banda.[7]
Jujuhutan
[babak | babak asal-mulanya]- 1 2 "Teh Tarik Recipe (Pulled Milk Tea) | Travel Food Atlas" (dalam bahasa Inggris). 2022-05-09. Diakses tanggal 2026-03-15.
- ↑ "Teh Tarik (Pulled Tea) (Brunei) Recipe by Eva Saida". Cookpad (dalam bahasa Inggris). 2026-02-26. Diakses tanggal 2026-03-15.
- ↑ Smith, Frankie. "Sejarah Singkat Teh Tarik, Minuman Nasional Malaysia - 2025". id.yourtripagent.com (dalam bahasa Indonesia). Diarsipkan dari versi asli tanggal 2023-04-27. Diakses tanggal 2026-03-14.
- 1 2 3 "Teh Tarik, Rasanya Nikmat tapi Jangan Berlebihan". Hello Sehat (dalam bahasa Indonesia). 2025-05-21. Diakses tanggal 2026-03-15.
- 1 2 "Teh Tarik: Minuman Lezat dan Cara Membuatnya". halodoc (dalam bahasa Indonesia). Diakses tanggal 2026-03-15.
- ↑ "Resep Teh Tarik Creamy, Mudah Dibuat Dengan 4 Bahan!". www.frisianflag.com (dalam bahasa Indonesia). Diakses tanggal 2026-03-15.
- 1 2 Cinde, Mayang. "Jejak Sejarah dan Keunikan Rasa Teh Tarik! - RRI.co.id". rri.co.id - Portal berita terpercaya (dalam bahasa Inggris). Diakses tanggal 2026-03-15.
- ↑ Tara (2016-05-05). "Teh Tarik (Malaysian Pulled Tea)". Tara's Multicultural Table (dalam bahasa Inggris). Diakses tanggal 2026-03-15.
- ↑ Hilmiati, Nining (2026-03-09). "Teh Tarik Khas Melayu". RRI. Diakses tanggal 2026-03-15.[permanent dead link]
- ↑ "Prendjak Teh Tarik: A Traditional Beverage with a Modern Twist" (dalam bahasa Indonesia). 2025-04-27. Diakses tanggal 2026-03-15.
- ↑ "Malaysian Teh Tarik (Pulled Milk Tea) | DelishGlobe". delishglobe.com (dalam bahasa Inggris). Diakses tanggal 2026-03-15.
- ↑ Ferlanda, Kukuh (2025-02-16). "Serupa Tapi Tak Sama, Ini Perbedaan Teh Tarik dan Thai Tea". RichCreme (dalam bahasa Indonesia). Diakses tanggal 2026-03-15.
- ↑ Ali, Alia (2025-02-19). "Teh Tarik (Sweet and Frothy Malaysian Milk Tea)". Serious Eats. Diakses tanggal 2026-03-15.