Capil ka isi

Tekyeh Dowlat

Tumatan Wikipidia Banjar, kindai pangatahuan
Tekyeh Dowlat
تکیه دولت
Lukisan ruang utama Tekyeh Dowlat matan Kamal-ol-Molk
TampatTeheran, Parsia (Iran)
Koordinat35°40′42.65″N 51°25′15.93″E / 35.6785139°LU 51.4210917°BT / 35.6785139; 51.4210917
PaangitParsia (Dinasti Qajar duwa Dinasti Pahlavi)
GenreGedung karasminan
Wadah partunjukan teater duka cita (Takziah)
Pusat partunjukan ampun karajaan
Susunan
Dibuka1873
Ditukup1933
Dihancurakan1946
ParancangHossein-Ali Mehrin

Tekyeh Dowlat (basa Parsia: تکیه دولت sacara harfiah baarti "Gunung Pameran (Duka Cita) Nagara") iyalah bangunan pusat pameran wan gedung opera banuansa agama ampun kaluarga karajaan Dinasti Qajar nang baandakan di pusat kuta Teheran Iran.[1] Tekyeh Dowlat wastu sabuting matan banyak tekyeh nang diulah di Iran. Bardasarkan tradisi Syiah nang bakambang di Iran, rajin tekyeh dibangun sabalum Muharram gasan dipakai pahadangan.[2] Amun Muharram habis, bangunannya pacangan diruntuhakan. Tagal, Tekyeh Dowlat pangacualian. Tekyeh nang paling tapandang di antara barataan wadah pameran teater dukacita ini dibangun parmanen.[2] Antara 1873 sampai dibongkar wayah 1947, bangunan ngini jadi simbol paling panting kuta Teheran.[3]

Sajarah

[babak | babak asal-mulanya]

Tekyeh Dowlat dibangun di kompleks Istana Golestan wan andakannya di subalah tanggara bangunan utama.[4] Proyek gedung opera nasional ini dimulai wayah 1867 (sapalih ada juwa manyambat wayah 1868) wan tuntung 1873.[5] Gedung dibangun maraga parintah matan Shah Naser al-Din,[6] nang diulah di atas situs Síyáh-Chál atawa panjara bawah tanah di Iran. Dikisahakan bahwa Shah Naser al-Din baduhara maulah Tekyeh Dowlat ini gasan partunjukan dukacita. Inspirasi gasan maulah pusat pameran nang jadi ampun nagara ini datang imbah Shah tahaga Royal Albert Hall di Kensington, London,[7] Ihwal ngini nang maulah Tekyeh Dowlat baisi unsur-unsur arsitektur Iran lawan juwa pangaruh arsitektur Eropa.[8]

Rahatan dirasmiakan, bangunan ngini kawa manampung labih pada 4.000 tamu.[9] Saikung tamu matan Eropa mambari kasaksian bahwa bangunan ngini bungas banar wan kada kalah lawan bangunan opera di Eropa.[10]

Ampihan Dinasti Qajar wan baganti rezim maulah nagara mulai kada maurusi Tekyeh Dowlat nang sebelumnya jadi pusat aruh dukacita Muharram (takziah).[11] Dinasti Pahlavi imbahnya maulah tekyeh jadi balai wadah mamamerakan produk-produk industri dan karajinan lokal, sampai tutup malalui sahnya Undang-Undang Anti Partunjukan Duka Cita wayah 1933. Mulai sini Tekyeh Dowlat kahilangan statusnya sawagai monumen panting di Parsia.[12] Wayah 1947, bangunan ngini dihancurakan wan diulah bank di atasnya.[13] Ada juwa bapadah bahwa di atas bakas tekyeh diulah rumah gasan pajabat Parsia.[14]

Jujuhutan

[babak | babak asal-mulanya]
  1. ↑ "Tehran museum to host meeting on Muharram rituals". The Tehran Times (dalam bahasa Inggris). Mehr News Agency. 2019-09-29. Diakses tanggal 2020-05-18.
  2. 1 2 Nejad, Reza Masoudi (2018). The Rite of Urban Passage: The Spatial Ritualization of Iranian Urban Transformation. Berghahn, New York. hlm. 43. ISBN 9781785339776.
  3. ↑ "Photos of Muharram Ta'zieh Rituals of the Past (1786-1925)". Financial Tribune. Diarsipkan dari versi asli tanggal 2021-01-27. Diakses tanggal 2026-05-24.
  4. ↑ "Golestan Palace: A Historical Complex at the Heart of Iranian Capital". Tasnim News Agency.
  5. ↑ Bernard, Veronica; Tüzün, Hatice Övgü, ed. (2014). IMAGES (III) - Images of the City: The Conference Proceedings. LIT Verlag. hlm. 85.
  6. ↑ Abbas Amanat. Pivot of the universe: Nasir al-Din Shah Qajar and the Iranian Monarchy, p. 435.
  7. ↑ Nejad, Reza Masoudi (2018). The Rite of Urban Passage: The Spatial Ritualization of Iranian Urban Transformation. Berghahn, New York. hlm. 43. ISBN 9781785339776.
  8. ↑ Amin, Saber; Aminpoor, Ahmad; Mansurian, Yazdan (2017). "Comparative Studies of Tekyeh Dowlat in Tehran and Royal Albert in London". The Monthly Scientific Journal of Bagh-E-Nazar Research Center (NRC) for Art, Architecture & Urbanism. Bagh-E-Nazar Research Center (NRC) for Art, Architecture & Urbanism. 14 (54): 21–32.
  9. ↑ Chelkowski, Peter (2010). "Identification and Analysis of the Scenic Space in Traditional Iranian Theatre". Eternal Performance: Ta'ziyeh and Other Shiite Rituals. India: Seagull. hlm. 92–105. ISBN 978 1 9064 9 751 4.
  10. ↑ "TA'ZIA".Encyclopedia of Iranica.Diakses pada 2010-06-15. 
  11. ↑ Abdullah, Mostowfi (2015). Sharhi zendegani man: Tarikhi ejtemaei va edari doare-ye Qajar (Kisah Hiduku: Sejarah Birokrasi dan Masyarakat Dinasti Qajar). Hermes Publication, Teheran. hlm. 290-296.
  12. ↑ Chavosian, Sana (2009). "Secular Atmospheres: Unveiling and Urban Space in Early 20th Century Iran". Historical Social Research. GESIS Leibniz-Institute für Sozialwissenschaften. 44 (3): 197. doi:10.12759/hsr.44.2019.3.180-20.
  13. ↑ The world encyclopedia of contemporary theatre, Volume 3 edited by Don Rubin, p. 215.
  14. ↑ Bernard, Veronica; Tüzün, Hatice Övgü, ed. (2014). IMAGES (III) - Images of the City: The Conference Proceedings. LIT Verlag. hlm. 85.
Dijumput matan "https://bjn.wikipedia.org/w/index.php?title=Tekyeh_Dowlat&oldid=111027"