Tasbih
Tasbih (Arab: مسبحة Misbaḥah; سبحة Subḥah) ialah alat bahitung dalam baibadah bamacam-macam umat baagama, baik Agama Samawi wan Agama Dharmik.[1] Sapalih umat Muslim mamakai tasbih sawagai alat mahitungi zikir (manyambat puji-pujian lawan Tuhan)[2], sapalih lainnya mamakai jari kanan gasan bazikir.[3]
Translitarasi
[babak | babak asal-mulanya]Dalam Katulik, tasbih labih rancak disambat lawan rusariu. Bubuhan Buddhisme di Japang, mangaraninya lawan "juzu" (manik-manik bahitung) atawa "nenju" (manik-manik bapikir), wan kadua kuya rancaknya dimula'i lawan huruf 'o-' nang kahurmatan (kaya dalam o-juzu Mala dalam budaya Tiungkuk (Tiunghua: pinyin: cháozhū).
Dalam budaya Tiungkuk, rusariu bangaran zhu shu (manik-manik bahitung), gasan zhu (Buddha manik-manik), atawa zhu nian (tasbih). Buddha Thiravada di Burma (wahini ngarannya Myanmar) jua mamakai tasbih, dingarani ba-di [bədi]. Tasbih ngitu rancak taulah matan kayu harum, lawan sarangkaian tali bawarna tarang pas sumbunya.
Panambaian
[babak | babak asal-mulanya]Panambaian nang bujur matan tasbih masih balum pasti, tapi pamakai mula'inya kawa dilacak injakannya ka dalam Hindu di Hindia, lalu Buddha kamungkinan mainjam kunsip matan agama Hindu. Tadapat patung saurang lalakian suci Hindu mamakai manik-manik baasal pas abat ka-3 SM.
Lalu Syaikh Bakr bin Abdillah Abu Zaid mamadahakan, tasbih hudah dikanal pas jaman sabalum Islam, sabujurnya dipakai ulih umat Buddha, nang diyakini mamakai tasbih tarus gasan manyalarasakan antara kalakuan wan pandirannya pas lagi manggawi sambahyangan.[4] Syaikh ngitu jua manyabutakan, tasbih dipakai umat Hindu di Hindia, wan dipakai umat Katulik pas abat partangahan, bidanya umat Katulik tasbihnya baisi 50 biji haja.[5]
Parkambangan tasbih nang luas tajadi pas abat 15 M wan 16 M. Dalam kitab "Musaahamatul Hindi" manyabutakan, umat Hindu tarancak manggawi tasbih gasan bahitung ritualnya, sampai bahitung zikir lawan tasbih diakui sawagai inuvasi matan urang Hindu (Hindia) nang basikti Brahma. Matan Hindia nginilah lalu tasbih manyabarakan ka barbagai panjuru dunia.
Islam
[babak | babak asal-mulanya]Urang Arab manyabutakan tasbih bamacam-macam ngaran, di antaranya ialah subhah, misbahah, tasaabih, nizaam. Salain ngitu, urang-urang sufi manyabutakannya al-mudzakkirah billah (paingat lawan Allah), raabitatul qulub (paikat hati), hablul washl atawa sauth asy-syaithan (cambuk syaitan).[6]
Gasan mangucapakan bacaan tasbih baulang-ulang ngini diciptaakanlah alat nang didambat misbaha, wan di Indunisia disambat jua lawan ngaran tasbih haja. Rancaknya tasbih taulah matan kayu, tagal ada jua tasbih nang diulah matan biji-biji zaitun. Umumnya sautas biji tasbih ada 99 biji. Angka 99 malambangakan 99 Asma Allah. Tagal, ada jua tasbih nang baisi 33 atawa 11 batu-batuan.[7] Lawan kadua kasus tarakhir ngini, nang baisi harus maulangi lingkaran tiga atawa sambilan kali. Biar jua kaitu, ada jua tasbih nang baisi 100 atawa 1000 batu.
Dua Pandapat
[babak | babak asal-mulanya][jari kanan sawagai alat tasbih nang dianjurakan Nabi Muhammad saw.] Bazikir lawan mamakai manik-manik nang dirangkai jadi sabuting, maka bubuhan ulama basalisih pandapat. Ada nang manilai hal ngitu hukumnya haram, makruh, wan mubah.
Pandapat panambaian, kada mambulihakan pamakaian tasbih pas bazikir.[8][9] Bubuhannya manantang gasan mamakainya, dikaranaakan kalakuan ngitu kada digawi ulih Nabi Muhammad saw. Salah saurang sahabat nang bangaran Abdullah bin Umar baujar, Nabi mamakai jari tangan kanannya haja pas bazikir, wan ujar kayakinan Muslim, sabarataan jari akan ditakunakan wan dimintai bapandir lawan Allah pas ari kiamat. Lalu disambat kalakuan ngitu manyalisihi kabiasaan Nabi, jua disambat kalakuan ngitu maniru umat agama lain, dalam parkara ngitu dilarang banar gasan manirunya.[6][10]
Pandapat kadua, mambulihakan mamakai tasbih, dikaranaakan maabil kisah bini Nabi nang bangaran Shafiyah binti Huyay mamakai biji kurma, wan kisah matan Abu Hurairah ra. nang mamakai batu karikil dalam bahitung bilangan zikir. Tapi, kisah matan Abu Hurairah disambat Hadits lamah (dha'if), wan Hadits ngini batantangan lawan Hadits sahih nang manyataakan, Nabi pas batasbih mamakai jari-jari tangan kanan.[10]
Katulik
[babak | babak asal-mulanya]Dalam Katulik ngini dingarani rusariu[11], saban bijunya umat rancak disambat "Salam Maria sabarataan".[12][13]
Hindu
[babak | babak asal-mulanya]Pamakaian tasbih panambaian kawa digagai ka agama Hindu[14], bubuhannya manyambat lawan ngaran japa mala. Japa ialah maulang ngaran matan saurang diwa atawa mantra. Mala (Sansikirta: माला mālā), baarti karangan kambang, baik karangan kambang gasan dikurasi atawa gasan diandak di maka (Inggris: wreath), atawa karangan kambang nang dipakai di atas kapala (garland).[15]
Japa mala dipakai gasan maulang bacaan mantra, gasan bantuk lain matan sadhana "latihan spiritual", wan sawagai patulungan matan maditasi. Jumlah mala umumnya rancak baisi 108 manik-manik.[16] Bahan baku nang rancak banar dipakai gasan maulah manik-manik ialah biji rudraksha, rancak dipakai ulih Saiwa wan tanaman ruru-ruku batang (dipakai ulih Waisnawa).
Buddha
[babak | babak asal-mulanya]Tasbih dalam agama Buddha dikanal sawagai mala, yaitu rangkaian manik-manik nang dipakai gasan bahitung paulangan mantra, du'a, atawa latihan panapasan. Alat ngini bafungsi sawagai panunjuk ritmi praktik spritual supaya pikiran tatap fakus wan kada nyaman tadistraksi.[17]
Tasbih-tasbih matan Buddha bavariasi, ada tasbih 108 biji, tasbih 54 wan 27 biji, wan tasbih galang atawa mini mala antara 18-27 biji.[17]
Jujuhutan
[babak | babak asal-mulanya]- ↑ "Asal Mula Tasbih | Republika Online". Republika Online. Diakses tanggal 2026-02-25.
- ↑ Nugraha, Daffa Fauzan (2024-06-28). "Tasbih: Kegunaan dan Keutamaannya dalam Islam". Masjid Al Kahfi Bunut (dalam bahasa Inggris). Diakses tanggal 2026-02-25.
- ↑ Winston, Kimberly (2008). Bead One, Pray Too: A Guide to Making and Using Prayer Beads. New York: Church Publishing Incorporated. ISBN 978-0-8192-2276-3.
- ↑ Al-Mausu’at Al-‘Arabiyyah Al-Muyassarah, 23/157
- ↑ Da’iratul-Ma’arif Al-Islamiyyah, 11/233-234
- 1 2 "Sejarah Tasbih Dan Hukumnya | Almanhaj" (dalam bahasa Inggris). 2006-02-15. Diakses tanggal 2026-02-25.
- ↑ "ZIKIR DENGAN BIJI TASBIH". MTT (dalam bahasa Indonesia). Diakses tanggal 2026-02-25.
- ↑ Abdullah bin Umar, inya baucap: رَأَيْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَعْقِدُ التَّسْبِيحَ قَالَ ابْنُ قُدَامَةَ بِيَمِينِهِ. "Ulun maitihi Rasulullah saw. bahitung tasbih (zikirnya); Ibnu Qudamah manyambat lawan tangan kanannya." (HR. Abu Dawud, Bab Tasbih bil Hasha, No. 1502)
- ↑ Abdullah bin Umar beucap: “Ulun maitihi Nabi batasbih lawan (jari-jari) tangan kanannya." (HR. Abu Dawud (2/81), At-Tirmidzi (5/521), wan itihi "Shahih Al-Jami'" (4/271. No. 4865))
- 1 2 "Biji tasbih", Wikipedia bahasa Indonesia, ensiklopedia bebas (dalam bahasa Indonesia), 2025-11-21, diakses tanggal 2026-02-25
- ↑ "Iman Katolik .....Media Informasi dan Sarana Katekese". www.imankatolik.or.id. Diakses tanggal 2026-02-25.
- ↑ "Doa Rosario", Wikipedia bahasa Indonesia, ensiklopedia bebas (dalam bahasa Indonesia), 2025-12-07, diakses tanggal 2026-02-25
- ↑ April 25, Jennifer Spirko-Updated; 2019. "The Difference Between a Rosary and Islamic Prayer Beads". The Classroom | Empowering Students in Their College Journey (dalam bahasa Inggris). Diakses tanggal 2026-02-25.
- ↑ Untracht, Oppi (2008). "Rosaries of India". Traditional Jewelry of India.
- ↑ Apte, Vaman Shivaram. A Practical Sanskrit Dictionary, 1267
- ↑ JTCd. "108 meaning". www.salagram.net. Diarsipkan dari versi asli tanggal 2010-08-13. Diakses tanggal 2026-02-25.
- 1 2 "Cara Menggunakan Tasbih dalam Agama Buddha: Panduan dan Praktiknya". Beben.id (dalam bahasa Indonesia). Diakses tanggal 2026-02-25.