Tambun Bungai
Tambun Bungai (atawa Tambun wan Bungai) adalah tokoh pahlawan perang dalam kerajaan purba suku Dayak Ngaju, yaitu Kerajaan Tanjung Pematang Sawang. Tambun ber-etnis Dayak Ot Danum wan anaknya Tamanggung Serupoi, amun Bungai ading kandung Nyai Undang wan anaknya Tamanggung Sempung nang ber-etnis Dayak Ngaju.[1] Tambun wan Bungai adalah tokoh supranatural wan kawa disambat nini moyang suku Dayak. Walaupun areal atawa situs-situs pemukiman buhannya sudah banyak nang hancur dimakan usia, wadahnya masih dianggap sakral wan wadah larangan sehingga sampai sekarang tetap bertahan.[2]
Situs Tambun wan Bungai andakannya di desa Tumbang Pajangei, Kecamatan Tewah, Kabupaten Gunung Mas. Lokasi ngitu hanya berjarak 9,2 km matan Kota Kuala Kurun sehingga kawa didatangi ulih barataan jenis kendaraan wan jalannya wahini sudah baaspal. Situs ngin basimpanan banyak bentuk peninggalan sejarah, yaitu patung Tambun Bungai, Kumpulan Penyang Pusaka, Pasah Patahu Tambun Bungai, situs Batu Bulan, wan Sandung Tamanggung Sempung. Situs Kerajaan Tanjung Pematang Sawang nang lainnya kawa diitihi di daerah Pulau Kupang, Kecamatan Bataguh, Kabupaten Kapuas.[3]
Wahini, ngaran Tambun wan Bungai dipakai gasan sambatan pruvinsi Kalimantan Tengah, yakni Bumi Tambun Bungai, wan sabuting sekolah tinggi bangaran STIH Tambun Bungai.
Jajuhutan
[babak | babak asal-mulanya]- ↑ "Tari Tambun dan Bungai". www.kebudayaanindonesia.net. 30 November 2001. Diarsipkan dari versi asli tanggal 2015-05-09. Diakses tanggal 16 Desember 2015.
- ↑ "Buku legenda asal-usul suku Dayak diterbitkan". WWF Indonesia. 15 Oktober 2010. Diarsipkan dari versi asli tanggal 2015-12-22. Diakses tanggal 16 Desember 2015.
- ↑ "Situs Tambun Bungai". Pemerintah Kabupaten Gunung Mas. Diarsipkan dari versi asli tanggal 2015-12-22. Diakses tanggal 16 Desember 2015.
