Capil ka isi

Tahu

Tumatan Wikipidia Banjar, kindai pangatahuan
Tahu

Tahu
Ngaran Tionghoa
Hanzi tradisional: 荳腐 atau 豆腐
Hanzi sadarhana: 豆腐
Pinyin: dòufu
Makna harfiah: dadih kacang
Ngaran Filipina
Tagalog: tokwa[1][2]
Ngaran Jepang
Kanji: 豆腐
Hiragana: とうふ
Ngaran Korea
Hangul: 두부
Hanja: 豆腐
Ngaran Melayu
Melayu: tauhu
Ngaran Vietnam
Vietnam: đậu phụ
atau đậu hũ
atau tàu hũ
Ngaran Tamil
Tamil: tahu
Ngaran Thai
Thai: เต้าหู้ (IPA: tâohûː)
Ngaran Khmer
Khmer: តៅហ៊ូ
Ngaran Indunisia
Indunisia: tahu

Tahu adalah makanan nang diulah tumatan taradak parasan kacang kadalai nang bagumpal. Tahu datang Cina, nangkaya kecap, tauco, bakpau, wan bakso. Ngaran "tahu" adalah sambatan matan basa Hokkian (tauhu) (Hanzi: 豆腐, hanyu pinyin: doufu), nang baarti "kacang kadalai bajaruk".[5] Tahu hudah dipinandui di Cina rahatan dinasti Han wayah 2.200 tahun nang halam. Tukang tamuinya iya Liu An (Hanzi: 劉安) nang marupakan urang badahi, cucu matan Kaisar Han Gaozu, Liu Bang nang mandiriakan dinasti Han.[6]

Parian tahu nang tapandang di Japang adalah tahu sutra (⁇ し豆腐, kinugoshi tōfu). Tahu sutra ngini talinyak duwa kada tapi tahan lamun dimasak baasa pulang, jadi rancak nitu dimakan mantah haja.[6] Tahu umumnya dibawa ulih urang Cina ka mana-mana wan manular ka Asia Timur wan Asia Tenggara, lalu jua ayungannya ka seluruh dunia.[5]

Tahu di banua urang

[babak | babak asal-mulanya]

Indunisia

[babak | babak asal-mulanya]

Tahu hudah baadaptasi di Indunisia nang maulah cungul bamacam parian tahu lawan juwa makanan nang diulah matan tahu. Tampaian matan luar tahu ni ada nang putih duwa kuning. Marga banyak nang katuju, tahu jadi bagian nang kada kawa tapisah di warung makan, handak nang paling larang lawan nang pinggir jalan ada haja tahaga, tapaduwa lawan tempe.

Di Kediri tahu kuning jadi makanan khas nang dipinandui jadi tahu takwa. Kampung lain nang jua tarait duwa tahu iya Sumedang.

Tahu masih tarait lawan Kambang tahu wan tauhue (disambat jua "bunga tahu") lamun malihat cara maulahnya.

Sapalih makanan nang mamakai tahu, tacatat nangkaya tahu bacem, tahu bakso, tahu campur, tahu guling, tahu isi (tahu bunting), tahu perkedel, wan tahu karupuk, tahu pedas, tahu krispi, tahu patis duwa tahu gimbal. Tahu basanga rajin dikambuh ka makanan nang hudah jadi, nangkaya mi bakso wan soto; atawa batagor. Siomay, sabuting ulahan dimsum, jua mamakai tahu basumap gasan tatambahannya.

Korea Selatan

[babak | babak asal-mulanya]
Dubu Kimci

Lamun di Korea Selatan, Tahu dipinandui urang sana lawa ngaran Dubu (豆腐, 두부).[7] Urang Korea mamakai tahu gasan bamacam-macam masakan.[8] Juhutan panambayan nang mangisah tahu di Korea kawa tahaga dalam Catatan Mogeun (Mogeunjip) nang ditulis lawan Yi Saek (ngaran pena Mogeun, 1328-1396) rahatan Dinasti Goryeo (938-1392). Dalam sabuting puisi, Yi Saek bakisah nyamannya tahu nang hanyar diulah.[9]

Jujuhutan lain nang manulisakan parihal cara bamasak tahu Korea dalam Yangchonjip ulih Gwon GeunHeo Gyun (1569-1618), saikung sastrawan Dinasti Joseon nang manulis artikal dalam Domundaejak parihal lambiknya dubu nang dijual panjaja di luar Garbang Changui. Sabuting catatan di Sejongsilook (Catatan pamarintahan Raja Sejong) parihal kisah Kaisar Ming mamuji kahandak tahu di Joseon wan bininya pandai manyiapakan makanan nang nyaman.[9]

Catatan sajarah manunjukakan bahuwa teknik manunjukakan diulah matan daratan Cina ka Korea rahatan Dinasti Goryeo wayah abad ka-10. Matan Korea hanyar tahu dipasarakan ka Japang.[10] Tahu Korea teksturnya antara tahu Cina wan Jepang, kada karas atawa lambik.[11] Urang Japang mampanalukan labih banyak jenis tahu ka Korea sawaktu Penjajahan Japang atas Korea (1910-1945).[11]

  • Dubu jeongol, adalah masakan jeongol tahu lawan sajarah 200 tahun.[12] Bumbu jeongol dibakar lawan daging sapi, tumbuhan, lobak putih, dropwort, jamur, bawang, wortel wan kaldu dalam panci ganal.[12]
  • Dubu Buchim, tahu goreng, marupakan salah satu masakan nang disajikan dalam banchan.[13]
  • Tahu sutera (sundubu): adalah tahu lembut nang kada diproses kaya tahu biasa.[14] Sundubu nang paling terkenal adalah sundubu matan Desa Chodang nang dingarani Cokang Dubu, diproses mamakai banyu laut sahingga manyabapakan rasa nang unik.[15]
  • Sundubu dimakan lawan kecap dan bumbu-bumbu tajam sambil minum makgeolli.[15]
  • Dubu kimchi, tahu goreng lawan kimchi.[16]
  • Dudu jorim, tahu goreng lawan saus jorim nang digawi matan campuran bumbu-bumbu.[17]
  • Sundubu jjigae adalah jjigae lawan gochujang nang baisi tahu sutera (sundubu) wan sayur-sayuran.

Salah sabuting wadah baulah tahu tradisional di Korea nang paling tapandang iya Kampung Chodang di Provinsi Gangwon.[18] Di Chodang, tahu diulah lawan banyu laut nang dihilangkan matan kadalaman 3 m di bawah parmukaan karang. Riwayat Tahu Chodang dimulai matan panamuan sumbar banyu di tahun 1500-an ulih Heo Yeop, saikung argawai Joseon nang juwa dingsanak matan Heo Nanseolheon. Sahudah manikmati rasa banyu itu, Heo Yeop mamakainya gasan maulah tahu. Inya manambahi banyu laut gasan mangaringakan. Tahu nang diulahnya manciptaakan rasa nang unik. Sampai wahini, tradisi mangambuh banyu laut masih digawi. Kampung asal tahu itu dingarani matan ngaran pena Heo Yeop, yaitu Chodang.

Jujuhutan

[babak | babak asal-mulanya]
  1. ^ Remo, Amy R. (2008-11-04). "After cheap rice, 'P10 Budget Ulam'". Philippine Daily Inquirer. 
  2. ^ Remo, Amy R. (March 31, 2005). "Filipino food served 'hawker' style". Filipino Reporter. [permanent dead link][pranala nonaktif permanen]
  3. ^ "Korea's Pulmuone launches New York bean curd plant". AsiaPulse News. 2002-03-13. Diarsipkan dari versi asli tanggal 2012-07-17. Diakses tanggal 2009-09-26. 
  4. ^ Tamsyn Burgmann (August 29, 2007). "Soon dubu simmers under the radar". Toronto Star. 
  5. ^ a b Bromokusumo, Aji Kristi (2013). Peranakan Tionghoa dalam kuliner Nusantara: plus resep-resep khas Peranakan. Jakarta: Penerbit Buku Kompas. hlm. 32. ISBN 978-979-709-740-0. 
  6. ^ a b "Japan Tofu Association│History of Tofu". www.tofu-as.com. Diakses tanggal 2025-03-14. 
  7. ^ (Bahasa Inggris)HISTORY OF TOFU IN SOUTH AND SOUTHEAST ASIA, soyinfocenter.
  8. ^ (Bahasa Inggris)Hand-made Tofu[dead link], gwangju.
  9. ^ a b (Bahasa Inggris) Chun Hui-jung (2006). "Dubu-Jeongol -Traditional Dish of Dubu (Tofu) and Vegetables" (PDF). Koreana. 20 (1): 77–79. Diarsipkan dari versi asli (PDF) tanggal 2018-01-06. Diakses tanggal 26 April 2010. 
  10. ^ (Bahasa Inggris)Hand-made Tofu[dead link], gwangju.
  11. ^ a b (Bahasa Inggris)HISTORY OF TOFU IN SOUTH AND SOUTHEAST ASIA, soyinfocenter.
  12. ^ a b (Bahasa Inggris) Chun Hui-jung (2006). "Dubu-Jeongol -Traditional Dish of Dubu (Tofu) and Vegetables" (PDF). Koreana. 20 (1): 77–79. Diarsipkan dari versi asli (PDF) tanggal 2018-01-06. Diakses tanggal 26 April 2010. 
  13. ^ Citakan:Ko두부 부침(필독), musoenara.
  14. ^ (Bahasa Inggris)Donghae Sundubu Error in Webarchive template: Empty url.
  15. ^ a b (Bahasa Inggris) Kim Joo-young (1997). "Ch'odang Village in Kangnung" (PDF). Koreana. 11 (2): 77–79. Diarsipkan dari versi asli (PDF) tanggal 2016-03-04. Diakses tanggal 1-5-2010. 
  16. ^ (Bahasa Inggris)Dubu Kimchi, mykoreankitchen.
  17. ^ (Bahasa Inggris)Dubu Jorim Error in Webarchive template: Empty url.
  18. ^ (Bahasa Inggris) Kim Joo-young (1997). "Ch'odang Village in Kangnung" (PDF). Koreana. 11 (2): 77–79. Diarsipkan dari versi asli (PDF) tanggal 2016-03-04. Diakses tanggal 1-5-2010. 
Dijumput matan "https://bjn.wikipedia.org/w/index.php?title=Tahu&oldid=104288"